حوزہ/ حجت الاسلام والمسلمین حسین انصاریان نے قرآن کریم اور اہل بیت علیہم السلام کی تعلیمات کی روشنی میں کہا ہے کہ انسان کو درپیش زیادہ تر معاشی، سماجی اور نفسیاتی مشکلات خدا کی مشیت کا نتیجہ نہیں ہوتیں، بلکہ انسان کے اپنے طرزِ عمل اور خدا، کائنات اور زندگی کے بارے میں غلط سوچ کا نتیجہ ہوتی ہیں۔ حقیقی سعادت فکر کی اصلاح، لوگوں کے حقوق کی پاسداری، یتیم و مسکین کی خبر گیری اور مال و دولت کی محبت اور غلامی سے نجات میں پوشیدہ ہے۔
