شیعہ نیوز: ایرانی وزیر خارجہ سید عباس عراقچی اسلامی تعاون تنظیم کے وزرائے خارجہ کونسل کے 52ویں اجلاس میں شرکت کے لیے بغداد پہنچ گئے۔
رپورٹ کے مطابق ایران کے وزیر خارجہ سید عباس عراقچی ہفتے کے روز عراق کے دارالحکومت بغداد پہنچ گئے، جہاں وہ اسلامی تعاون تنظیم کے وزرائے خارجہ کونسل کے 52ویں اجلاس میں شرکت کریں گے۔
پروگرام کے مطابق، ایرانی وزیر خارجہ اجلاس میں ایران کا مؤقف پیش کریں گے اور دیگر ممالک کے وزرائے خارجہ کے ساتھ دوطرفہ ملاقاتیں بھی کریں گے۔
یہ بھی پڑھیں : امریکی بم اپنی عالمی ساکھ، معیشت اور سیاست کو نقصان پہنچا رہے ہیں، ایرانی قائم مقام وزیر دفاع
بغداد پہنچنے کے فوراً بعد عباس عراقچی نے اس مقام پر حاضری دی جہاں امریکی حملے میں ایران کی سپاہ پاسداران انقلاب اسلامی کی القدس فورس کے سابق کمانڈر شہید لیفٹیننٹ جنرل قاسم سلیمانی اور عراق کی عوامی رضاکار فورس (الحشد الشعبی) کے نائب سربراہ شہید ابو مہدی المہندس کو شہید کیا گیا تھا۔
عراقچی نے دونوں شہداء کو خراج عقیدت پیش کیا۔
The post او آئی سی اجلاس میں شرکت کے لیے عباس عراقچی بغداد پہنچ گئے appeared first on شیعہ نیوز پاکستان.
