شیعہ نیوز: ضلع لکی مروت کے ٹرائبل سب ڈویژن بیٹنی میں پولیس موبائل کے قریب زور دار دھماکے کے نتیجے میں ایس ایچ او سمیت 7 پولیس اہلکار شہید ہوگئے۔
رپورٹ کے مطابق دھماکا پولیس موبائل کے قریب ہوا جس کے نتیجے میں گاڑی کو شدید نقصان پہنچا۔
ترجمان پولیس کے مطابق شہید افراد میں ایس ایچ او تھانہ شادی خیل صدر اعظم بھی شامل ہیں، دھماکا خیز مواد پولیس موبائل کے قریب نصب تھا۔
یہ بھی پڑھیں : اگر حملے بڑھے تو پورا خطہ اندھیرے میں ڈوب جائے گا: ایران کی امریکہ کو سخت دھمکی
ترجمان نے بتایا ہے کہ واقعے کے فوراً بعد علاقے میں سیکیورٹی ہائی الرٹ کر دی گئی ہے اور مزید پولیس کی نفری موقع پر روانہ کر دی گئی ہے۔
پولیس اور سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔
حکام کے مطابق دھماکے کی نوعیت اور ذمے داروں کا تعین کرنے کے لیے تحقیقات جاری ہیں۔
The post اگر حملے بڑھے تو پورا خطہ اندھیرے میں ڈوب جائے گا: ایران کی امریکہ کو سخت دھمکی appeared first on شیعہ نیوز پاکستان.
