شیعہ نیوز: ایرانی صدر مسعود پزشکیان نے امریکہ سےجوہری مذاکرات شروع کرنے کی ہدایت دینے کی تصدیق کر دی۔
صدر مملکت نے کہا ہے کہ خطے کی دوست حکومتوں کی جانب سے امریکی صدر کی مذاکرات کی تجویز کا جواب دینے کی درخواست کے بعد میں نے وزیر خارجہ کو حکم دیا کہ وہ قومی مفادات کے مطابق منصفانہ مذاکرات کا راستہ ہموار کریں۔
یہ بھی پڑھیں : پاکستان میں دہشت گرد حملے براہِ راست افغان سر زمین سے جڑے ہیں، امریکی جریدہ
صدر پزشکیان نے سوشل میڈیا پیغام ایکس پر لکھا ہے “خطے کی دوست حکومتوں کی طرف سے امریکی صدر کی مذاکرات کی تجویز کا جواب دینے کی درخواست کے پیش نظر، میں نے وزیر خارجہ کو حکم دیا کہ وہ وقار، حکمت اور مصلحت کے اصولوں پر مبنی منصفانہ مذاکرات کے لیے زمین تیار کریں۔
گزشتہ روز وزارت خارجہ کے ترجمان اسماعیل بقائی نے ارنا کے سوال کا جواب دیتے ہوئے کہا تھا کہ ہم معاملے کے مختلف پہلؤوں کا جائزہ لے رہے ہیں اور اس کے بعد حمتی نتیجہ کا اعلان کریں گے۔
انہوں نے کہا تھا کہ خطے کے ممالک صورت حال کی سنگینی پر تشویش میں مبتلا ہیں اور مثبت کردار ادا کر رہے ہیں۔جبکہ یورپی ممالک میں کشیدگی او ہوا دینے میں مصروف ہیں۔
The post ایرانی صدر کی امریکہ سے جوہری مذاکرات شروع کرنے کی ہدایت دینے کی تصدیق appeared first on شیعہ نیوز پاکستان.
