شیعہ نیوز: ایران کے وزیر خارجہ سید عباس عراقچی اتوار کی رات سفارت کاروں اور ماہرین کے ہمراہ جوہری مذاکرات کے دوسرے دور کے انعقاد اور سفارتی مشاورت کے لیے تہران سے جنیوا روانہ ہوگئے۔
رپورٹ کے مطابق ایران اور امریکہ کے درمیان بالواسطہ جوہری مذاکرات 18 فروری عمان کی ثالثی میں ہوں گے۔
یہ بھی پڑھیں : یمنی صوبے شبوہ میں سعودی پیش قدمی، اماراتی اثر و رسوخ کو خطرہ
جنیوا دورے کے دوران وزیر خارجہ سوئٹزرلینڈ اور عمان کے وزیر خارجہ، بین الاقوامی ایٹمی توانائی ایجنسی کے ڈائریکٹر جنرل اور سوئٹزرلینڈ میں مقیم بعض بین الاقوامی عہدیداروں سے بھی ملاقاتیں اور بات چیت کریں گے۔
رپورٹ کے مطابق ایران اور امریکہ کے درمیان جوہری مذاکرات کا پہلا دور سلطنت عمان کی ثالثی میں جمعہ 7 فروری کی صبح مسقط میں منعقد ہوا تھا۔ مذاکرات کے اس دور میں، ایران اور امریکہ کی مذاکراتی ٹیموں نے عمانی وزیر خارجہ کی وساطت سے ایک دوسرے کو اپنی رائے، تحفظات اور نقطہ نظر سے آگاہ کیا۔
The post ایرانی وزیر خارجہ سید عباس عراقچی تہران سے جنیوا کے لیے روانہ appeared first on شیعہ نیوز پاکستان.
