شیعہ نیوز: ایران اور امریکہ کے درمیان ترکی میں بالواسطہ مذاکرات شروع ہونے جارہے ہیں جس کے لیے دونوں ممالک کے نمائندگان کی ملاقات کا دن بھی طے کرلیا گیا ہے۔
غیر ملکی میڈیا نے امریکی حکام کے حوالے سے کہا ہے کہ امریکی نمائندہ خصوصی برائے مشرق وسطیٰ اسٹیو وٹکوف کی ایرانی وزیر خارجہ عباس عراقچی سے ملاقات استنبول میں جمعہ کو ہوگی۔
جریدے نے مزید لکھا ہے کہ گزشتہ جون میں مذاکرات کے خاتمے اور 12 روزہ جنگ کے بعد امریکی اور ایرانی حکام کے درمیان یہ پہلی ملاقات ہوگی۔
یہ بھی پڑھیں : انتظامی امور قومی کمیٹی کے سپرد کرنے کے لیے حکومتی انتظامات مکمل کرلیے ہیں، حازم قاسم
امریکی حکام کا کہنا تھا کہ وٹکوف اور عراقچی ممکنہ طور پر جوہری معاہدے اور دیگر مسائل پر بات کریں گے۔
انہوں نے مزید کہا کہ صدر ٹرمپ معاہدہ کرنے کےلیے ایران پر زور دیتے رہے ہیں۔ یہ ملاقات اسی لیے ہے کہ صدر ٹرمپ کی بات سُنی جائے۔
امریکی صدر ڈونلڈ ٹرمپ کا اصرار ہے کہ فوری معاہدے حصول ہی فوجی تنازع سے بچنے کا واحد راستہ ہے۔
خیال رہے کہ ایک روز قبل امریکی ٹیلی ویژن کو انٹرویو دیتے ہوئے ایرانی وزیر خارجہ عباس عراقچی کا کہنا تھا کہ پُرامید ہوں کہ امریکہ سے جوہری معاہدہ ممکن ہے۔
انہوں نے کہا تھا کہ امریکہ پر اعتماد نہیں، بات چیت مصالحت کار دوستوں کے ذریعے جاری ہے۔ بیلسٹک میزائل اور مزاحمتی تنظیموں کا ساتھ چھوڑنے کی بات ناممکن ہے۔
The post ایران امریکہ مذاکرات، ترکی میں ایرانی وزیر خارجہ اور امریکی ايلچی کی ملاقات طے appeared first on شیعہ نیوز پاکستان.
