شیعہ نیوز: برونو نے اپنے خطاب میں کہا کہ دیر یا سویرے، ہم قدس اور پوری فلسطینی سرزمین کو آزاد کرا لیں گے۔
اسلامی جمہوریہ ایران کے خلاف امریکی صیہونی جنگ کے متعلق برازیل کے میڈیا ایکٹیوسٹ نے کہا ہے کہ خدا کے کرم سے ایران اس جنگ میں فتح یاب ہوگا اور جارحیت پسند شکست کھائیں گے۔
رپورٹ کے مطابق برازیل سے تعلق رکھنے والے فلسطین کے برجستہ حامی اور میڈیا ایکٹیوسٹ برونو ریچا نے عالمی مجلس قادمون کے زیر اہتمام ساتویں بین الاقوامی قدس شریف کانگریس میں خطاب کرتے ہوئے برازیل میں تقریباً 60 ملین عرب النسل افراد کی موجودگی کا ذکر کیا۔
یہ بھی پڑھیں : خواجہ سعد رفیق نے خلیجی ممالک میں موجود امریکی اڈوں کو بد امنی کی بنیاد قرار دے دیا
انہوں نے خطاب میں کہا کہ ہول القدس ہمارے لیے صیہونی قبضے کے خلاف احتجاج کا اظہار کرنے کا ایک منفرد موقع ہے۔
انہوں نے سائیکس-پیکو معاہدے کو مغربی سامراج کی غداری کی علامت قرار دیتے ہوئے اس کی مذمت کی اور اسلامی جمہوریہ ایران کے خلاف موجودہ جنگ کو سامراج کی اصل حقیقت سے نقاب ہٹانے کا موقع قرار دیا۔
انہوں نے کہا کہ یہ جنگ ایک موقع ہے کہ ایران جیسی درمیانی درجے کہ طاقت عالمی معاشروں کو خودمختاری اور عزت نفس کے ساتھ ترقی کی ایک نئی قسم دکھا سکے۔
اس برازیلی میڈیا ایکٹیوسٹ نے “آزادی کے مجاہدین” کو خراج تحسین پیش کیا جو اسلامی سرزمینوں کی آزادی کے لیے اپنی جانیں قربان کر رہے ہیں۔
انہوں نے زور دیا کہ دنیا میں ہر فرد کا فرض ہے کہ وہ “دریا سے سمندر تک” فلسطین کی آزادی کی جدوجہد کی حمایت کرے۔
برونو نے جارحیت پسندوں کی شکست پر یقین کا اظہار کرتے ہوئے کہا کہ بنیادی کام اس جنگ میں کامیابی حاصل کرنا ہے، اور خدا کے فضل سے، ایران فتح یاب ہوگا اور دیر یا سویرے، ہم قدس اور پوری فلسطینی سرزمین کو آزاد کرا لیں گے۔
انہوں نے محور مزاحمت سے یکجہتی کا اظہار کرتے ہوئے قدس کی آزادی کو ایک عالمی فریضہ قرار دیا۔
The post ایران امریکی اور صیہونی جارحیت پسندوں کو شکست دے گا، برازیل کے میڈیا ایکٹیوسٹ appeared first on شیعہ نیوز پاکستان.
