شیعہ نیوز: شکاگو یونیورسٹی کے پروفیسر جان مرشائمر نے کہا ہے کہ ایران کی دفاعی صلاحیتیں توقعات سے کہیں زیادہ مضبوط ثابت ہوئی ہیں اور موجودہ حالات میں وہ خود کو برتر ثابت کرسکتا ہے۔
رپورٹ کے مطابق بین الاقوامی تعلقات کے ممتاز مفکر اور شکاگو یونیورسٹی کے پروفیسر جان مرشائمر نے ایران اور امریکہ کے درمیان حالیہ کشیدگی پر تبصرہ کرتے ہوئے کہا ہے کہ ایران کی کارکردگی امریکی فوجی طاقت کے مقابلے میں توقعات سے کہیں زیادہ مؤثر رہی ہے۔
یہ بھی پڑھیں : ایران کی شہری تنصیبات پر حملہ قابل مذمت اور بین الاقوامی قوانین کی خلاف ورزی ہے، اقوام متحدہ
مرشائمر نے کہا کہ ان کے خیال میں کسی نے بھی مکمل طور پر یہ اندازہ نہیں لگایا تھا کہ ایران امریکہ کے مقابلے میں اس حد تک مضبوط اور مؤثر انداز میں اپنا دفاع کر سکے گا۔ ایران کی دفاعی صلاحیتوں نے نہ صرف تجزیہ کاروں بلکہ خود ایرانی قیادت کی توقعات سے بھی بہتر کارکردگی دکھائی ہے۔
انہوں نے موجودہ عسکری صورت حال کا تجزیہ کرتے ہوئے پیش گوئی کی کہ اس جنگ میں ایران واضح طور پر کامیاب ہوسکتا ہے۔
مرشائمر کے مطابق موجودہ پیش رفت واشنگٹن کی جارحانہ پالیسیوں کی ناکامی اور ایران کی دفاعی صلاحیت و اثر و رسوخ کو ظاہر کرتی ہے۔
The post ایران اور امریکہ کے درمیان جنگ میں بالآخر کامیاب ہوگا، امریکی پروفیسر جان مرشائمر appeared first on شیعہ نیوز پاکستان.
