شیعہ نیوز: ترجمان وائٹ ہاؤس کیرولین لیویٹ نے کہا ہے کہ ایران سے مذاکرات میں پاکستان واحد ثالث ہے۔
وائٹ ہاؤس میں پریس کانفرنس کرتے ہوئے کیرولین لیویٹ کا کہنا تھا کہ ایران اور امریکہ جنگ بندی سے متعلق پاکستان کی سنجیدہ کوششوں کو سراہتے ہیں۔
انہوں نے کہا کہ ایران کے ساتھ بات چیت نتیجہ خیز اور جاری ہے۔ مذاکرات کا اگلا مرحلہ ممکنہ طور پر اسلام آباد میں ہوگا۔
یہ بھی پڑھیں : دبئی کا سیون اسٹار ہوٹل برج العرب مرمت کیلئے 18 ماہ بند رہے گا
انہوں نے مزید کہا کہ ایران سے مذاکرات میں پاکستان واحد ثالث ہے۔
ترجمان وائٹ ہاؤس کا کہنا تھا کہ امریکہ کی جانب سے جنگ بندی میں توسیع کی درخواست کی خبریں غلط ہیں۔
کیرولین لیویٹ نے کہا کہ آبنائے ہرمز کی ناکہ بندی مکمل طور پر نافذ کردی گئی ہے، ناکا بندی ایرانی بندرگاہوں سے روانہ ہونے والے تمام ممالک کے جہازوں کے خلاف کی گئی ہے۔
ترجمان وائٹ ہاؤس کا کہنا تھا کہ چینی صدر نے امریکی صدر ٹرمپ کو یقین دلایا کہ چین ایران کو ہتھیار فراہم نہیں کر رہا۔
خیال رہے کہ پاکستان کی جانب سے ایران اور امریکہ کے مابین مذاکرات کی کوششیں مزید تیز ہوگئی ہیں۔ دونوں مملک کے درمیان اسلام آباد میں بات چیت کا دوسرا دور آئندہ ہفتے ہونے کا امکان ہے۔
The post ایران سے مذاکرات میں پاکستان واحد ثالث ہے، ترجمان وائٹ ہاؤس appeared first on شیعہ نیوز پاکستان.
