شیعہ نیوز: امریکی صدر ڈونلڈ ٹرمپ اور اسرائیلی وزیراعظم نیتن یاہو کے درمیان ایران سے ممکنہ ڈیل کی تجاویز پر تلخ جملوں کا تبادلہ ہوا ہے۔
امریکی نیوز ویب سائٹ نے دعویٰ کیا ہے کہ صدر ٹرمپ نے اسرائیلی وزیراعظم نیتن یاہو کو ٹیلی فون پر بتایا کہ ثالث امریکی اور ایرانی شرائط سے متعلق ایک خط پر کام کررہے ہیں۔
امریکی صدر نے مزید کہا کہ اس پر امریکہ اور ایران دستخط کریں گے، جس کے بعد 30 دن کے مذاکرات شروع ہوں گے، جس میں ایران کے نیوکلیئر پروگرام اور آبنائے ہرمز کھولنے پر بات ہوگی۔
یہ بھی پڑھیں : ایران کے پاس ایسے ہتھیار موجود ہیں جو ابھی تک استعمال بھی نہیں کیے گئے، دفاعی ذرائع
رپورٹ کے مطابق منگل کی رات ہونے والی گفتگو میں ٹرمپ سے بات کرکے اسرائیلی وزیراعظم آگ بگولہ ہوگئے تھے۔
میڈیا رپورٹ کے مطابق اسرائیلی وزیراعظم کے دفتر اور وائٹ ہاؤس نے رپورٹ پر تبصرے سے گریز کیا۔
اس سے پہلے میڈیا سے گفتگو میں صدر ٹرمپ کہہ چکے ہیں کہ ایران کے معاملے پر اسرائیل اور امریکا میں اتفاق ہے، وہ جو کہیں گے اسرائیلی وزیراعظم نیتن یاہو وہی کریں گے۔
The post ایران سے ممکنہ ڈیل کی تجاویز، ٹرمپ، نیتن یاہو میں تلخ جملوں کا تبادلہ appeared first on شیعہ نیوز پاکستان.
