شیعہ نیوز: 22 بہمن مطابق 11 فروری کی صبح دارالحکومت تہران سمیت پورے ملک میں اسلامی انقلاب کی سینتالیسویں سالگرہ کی عظیم الشان ریلیوں کا آغاز ہوگیا
رپورٹ کے مطابق آج صبح ملک کے دیگر علاقوں کے ساتھ ہی دارالحکومت تہران میں اسلامی انقلاب کی سینتالیسویں سالگرہ کی عظیم الشان ریلیوں کا آغاز ہوگیا۔
تہران کے مختلف علاقوں سے نکلالی جانے والی ان ریلیوں میں عوام کے سبھی طبقات کے لوگ شریک ہیں جن کے ہاتھوں میں ملک کے قومی پرچم اسلامی جمہموریہ ایران کے بانی حضرت امام خمینی رحمت اللہ علیہ اورر رہبر انقلاب اسلامی کی تصاویرہیں ۔
تبلیغات اسلامی تہران کے مطابق دارالحکومت میں شرکاء صبح ساڑھے نو بجے مختلف مقامات سے آزادی اسکوائر کی جانب روانہ ہوں گے، جہاں مرکزی اجتماع ہوگا۔
یہ بھی پڑھیں : ایران کے خلاف تمام بیرونی سازشیں ناکام ہو گئیں، حزب اللہ لبنان
حکام کے مطابق ملک بھر کے 1400 سے زائد مقامات پر ریلیوں کا اہتمام کیا گیا ہے۔
سرکاری اعداد و شمار کے مطابق تقریبات کی کوریج کے لیے تقریباً 7200 مقامی جبکہ قریب 200 غیر ملکی صحافی موجود ہوں گے۔
گزشتہ دنوں اعلیٰ حکام اور مختلف اداروں کی جانب سے عوام سے بھرپور شرکت کی اپیل کی گئی تھی۔
انقلاب اسلامی کی سالگرہ کے موقع پر قم کے عوام نے 22 بہمن کی ریلی میں بھرپور اور وسیع پیمانے پر شرکت کرکے انقلاب اور اسلامی نظام کی حمایت کا اظہار کیا۔
ریلی میں شریک افراد ایران کے پرچم اور انقلابی نعروں پر مشتمل بینرز اٹھائے مرکزی راستے پر گامزن رہے۔ اس موقع پر نوجوانوں، بچوں اور بزرگوں کی بھرپور شرکت نے اتحاد اور یکجہتی کا منظر پیش کیا۔
یہ ریلی ہر سال انقلاب اسلامی کی سالگرہ پر پورے ایران میں نکالی جاتی ہے اور قم، جو ایک اہم مذہبی اور انقلابی شہر ہے، یہاں ہمیشہ عوام کی ایک بڑی تعداد شرکت کرتی ہے۔
منتشر شدہ تصاویر اور ویڈیوز قم کے عوام کی امام خمینیؒ اور رہبر معظم انقلاب اسلامی سے عقیدت اور وفاداری کی عکاسی کرتی ہیں۔ شرکاء نے “مرگ بر امریکہ”، “مرگ بر اسرائیل” اور “استقلال، آزادی، جمہوری اسلامی” جیسے نعرے لگا کر اسلامی نظام اور انقلابی مؤقف کی حمایت کا اعلان کیا۔
ہمارے نمائندوں کے مطابق ریلیوں میں عوام نے اسلامی انقلاب کی اقدارسے وابستگی اور حضرت امام خمینی رحمت اللہ علیہ کے بتائے ہوئے اصولوں کی پابندی کے عہد کی تجدید کی ۔
The post ایران میں اسلامی انقلاب کی سیتنالیسویں سالگرہ، ملی یک جہتی کی تجلی appeared first on شیعہ نیوز پاکستان.
