شیعہ نیوز: ایرانی صدر مسعود پزشکیان گریٹ آدمی ہیں۔ ایک تو ذاتی طور پر انتہائی عاجز اور پڑھے لکھے انسان ہیں دوسرا بطور صدر مملکت ان کی کارکردگی بہترین رہی ہے۔ جنگ اور شدید پابندیوں کے باوجود جس طرح سے انہوں نے ملک چلایا ہے وہ لائق تحسین ہے، جس کی تعریف رہبر معظم نے بھی کی ہے۔ وگرنہ اس طرح سنگین جنگ اور حملوں کے بعد اکثر ممالک کی اقتصادی حالت تباہ کن ہو جاتی ہے۔
ان کی کل جنرل اسمبلی میں تقریر بہترین تھی اور ایران کا مقدمہ بہتر انداز میں پیش کیا، خصوصا ان کے یہ جملے سنہری حروف سے لکھنے کے قابل ہیں؛
“ہم اپنے دفاع کے لیے جنگ سے نہیں ڈرتے، اور امن کے لیے مذاکرے سے نہیں بھاگتے۔”
انہوں نے سیاہ لباس زیب تن کر رکھا تھا جو مکتب تشیع میں بالعموم اور ایرانی کلچر میں بالخصوص سوگ اور غم کی علامت ہے۔ ایک ہاتھ میں شہید رہبر کی تصویر اٹھا کر کہا کہ میں اس ایران سے آیا ہوں جس کے رہبر اور دیگر سینئر رہنماؤں کو شہید کیا گیا ہے۔ اور میناب کی شہید بچیوں کی اور دیگر صیہونی و استعماری حملوں کی تصاویر بھی دکھائیں جن سے ثابت ہوتا ہے کہ اصل دہشتگرد امریکہ و اس-را-ئیل ہیں۔
دوسری طرف ڈونلڈ ٹرمپ کی تقریر دیکھ لیں، ان کا خطاب کسی بھی منصف مزاج انسان کے لیے شرمندگی اور امریکہ کے ہر باشعور شہری کے لیے ندامت کا باعث تھا۔ لہٰذا بجا طور پر کہہ سکتے ہیں کہ اقوام متحدہ میں بھی ایران نے امریکہ کو شکست دی۔
ان کے خطاب کے چیدہ نکات یہ ہیں؛
یہ بھی پڑھیں : پاکستان کی مکمل توجہ ایران جنگ کے خاتمے کیلئے ثالثی پر مرکوز ہے،وزیراعظم شہبازشریف
“دہشت گرد اور دہشت پرور ہمیں دہشت گرد کا طعنہ دیتے ہیں، ہم نے صرف اپنا دفاع کیا ہے، ہم دہشت گرد نہیں ہیں۔ وہ دعویٰ کرتے ہیں کہ ایران عدم استحکام کا سبب ہے؛ کیا ہم جو آزاد جینا چاہتے ہیں اور سر نہیں جھکانا چاہتے، عدم استحکام کی وجہ ہیں؟ اور وہ جو دہشت گردی کرتے ہیں، قتل و غارت کرتے ہیں اور جرائم کرتے ہیں، امن اور سلامتی کے علمبردار ہیں؟”
“غزہ میں اس-را-ئیلی بربریت کی طرف اشارہ کرتے ہوئے کہا کہ مغربی ایشیا میں پائیدار امن فلسطین کو انصاف ملے بغیر ممکن نہیں۔”
“اس خطے میں ایٹم بم اور دیگر تباہ کن ہتھیار اسرائیل کے پاس ہیں؛ لیکن معائنے کا مطالبہ ایران سے کیا جاتا ہے! اسرائیل نے غزہ میں 70 ہزار سے زائد افراد کا قتل عام کیا، لیکن ایران کو مذاکراتی میز پر ہی بمباری کا نشانہ بنایا گیا! اسرائیل کے پاس ایٹم بم ہے، وہ این پی ٹی (NPT) کا رکن نہیں ہے، اپنی پوری سیاہ تاریخ میں اس نے ایک بھی معائنہ کاروں کو مقبوضہ علاقوں میں داخل نہیں ہونے دیا، لیکن اسے اربوں ڈالر کے مفت ہتھیار انعام میں ملتے ہیں اور اسے اس بات کی چھوٹ حاصل ہے کہ وہ جس کے دارالحکومت کو چاہے بمباری سے اڑا دے!”
“دھمکیاں ہماری قوم کو مزید متحد، طاقتور اور ایرانیوں کی مزاحمت کو اور زیادہ مضبوط بناتی ہیں۔ ایرانی قوم زور زبردستی کے آگے سر نہیں جھکائے گی اور جارحین کو پشیمان کر کے چھوڑے گی۔ ہم بات چیت کے لیے تیار ہیں، لیکن انہیں یہ جان لینا چاہیے کہ ہم زبردستی کی زبان ہرگز قبول نہیں کریں گے۔”
بلاشبہ احسن انداز میں انہوں نے ایران اور استعماری جارحیت کے شکار اقوام کی بہترین انداز میں نمائندگی کی۔ ان کی اس تقریر کو پوری دنیا میں سراہا جا رہا ہے۔
تحریر : سیدجوادرضوی
The post ایران نے اقوام متحدہ میں بھی امریکہ کو شکست دے دی appeared first on شیعہ نیوز پاکستان.
