شیعہ نیوز: عراق اور لیبیا کے اہل سنت مفتی نے اس بات پر زور دیا ہے کہ ایران کا دفاع تمام مسلمانوں کا دینی فریضہ ہے اور کوئی بھی مسلمان دشمنوں کی صف میں نہیں شامل نہ ہوجائے۔
رپورٹ کے مطابق عراقی اہل سنت مفتی شیخ مهدی الصمیدعی نے اسلام اور اسلام کا دفاع کرنے والے ممالک کی حمایت کی ضرورت پر زور دیتے ہوئے کہا: ہر وہ مسلمان جو ظلم کے سامنے خاموش رہتا ہے اور اسلام کا دفاع نہیں کرتا، وہ اسلامی امت کا حصہ نہیں ہوگا۔
انہوں نے غیر مسلموں کے ساتھ تعاون پر بھی تنبیہ کی اور کہا: جو شخص اسلام کے دشمنوں کی مدد کرتا ہے یا ان کے ساتھ دوستی کا اظہار کرتا ہے، وہ خود بھی ان کا حصہ بن جائے گا۔
یہ بھی پڑھیں : آیت اللہ مجتبی خامنہ ای رہبر انقلاب منتخب ہونے پر انصار اللہ کی مبارک باد
لیبیا کے اہل سنت مفتی شیخ الصادق الغریانی نے بھی ایران کی دفاعی کارروائی کی حمایت کرتے ہوئے کہا کہ ایران کے خلاف جنگ خطے میں کفر کے پھیلاؤ کی ایک کوشش ہے، اور اسلامی جمہوریہ حق رکھتی ہے کہ وہ صہیونی تجاوزات کے خلاف خود کا دفاع کرے۔
انہوں نے ایران کو صہیونی خطرے کے خلاف مقابلے کی پہلی صف قرار دیا اور مزید کہا: یہ جنگ فیصلہ کن ہے اور کوئی بھی مسلمان دشمنوں کی صف میں یا غیر جانبدارانہ موقف اختیار نہیں کر سکتا۔
لیبیا کے مفتی نے آخر میں اس بات پر زور دیا کہ اس مشترکہ خطرے کے مقابلے کے لیے اسلامی اتحاد ضروری ہے۔
The post ایران کا دفاع تمام مسلمانوں کا دینی فریضہ ہے، مفتی عراق appeared first on شیعہ نیوز پاکستان.
