شیعہ نیوز: روسی وزارت خارجہ کی ترجمان ماریا زاخارووا نے کہا ہے کہ ایران کے افزودہ یورینیم کے معاملے پر تہران خود فیصلہ کرے گا اور ماسکو اس سلسلے میں تہران اور واشنگٹن کی مدد کے لیے تیار ہے۔
رپورٹ کے مطابق روسی وزارت خارجہ نے کہا ہے کہ ایران کے معاملے کا حل صرف سفارتی ذرائع کے ذریعے اور تہران کے مفادات کو مدنظر رکھتے ہوئے ہی ممکن ہے۔
تفصیلات کے مطابق روسی وزارت خارجہ کی ترجمان ماریا زاخارووا نے کہا کہ روس ایران اور امریکہ کے درمیان افزودہ یورینیم کے مسئلے سے متعلق موجودہ حل کے نفاذ میں مدد دینے کے لیے تیار ہے۔
یہ بھی پڑھیں : پنجاب قرآن بورڈ کی تشکیل نو، علامہ محمد حسین اکبر اور علامہ افضل حیدری رکن منتخب
زاخارووا نے مزید کہا کہ ایران کے یورینیم کے ذخائر کے مستقبل کے بارے میں فیصلہ کرنے کا حق صرف تہران کو حاصل ہے۔ ایران کا مسئلہ صرف سفارتی چینلز کے ذریعے اور تہران کے مفادات کو مدنظر رکھتے ہوئے ہی حل کیا جا سکتا ہے۔
قبل ازیں ایران کی وزارت خارجہ کے ترجمان نے ایک پریس کانفرنس میں کہا تھا کہ امریکی حکام نے ایران کے افزودہ یورینیم کو امریکہ منتقل کرنے کی بات کی ہے، تاہم یہ معاملہ کبھی بھی تہران کی جانب سے مذاکرات کے کسی ممکنہ آپشن کے طور پر پیش نہیں کیا گیا۔
The post ایران کا مسئلہ صرف سفارتی طریقوں اور تہران کے مفادات کو مدنظر رکھ کر حل ہوسکتا ہے، روس appeared first on شیعہ نیوز پاکستان.
