شیعہ نیوز: امریکا کے سابق وزیرِ خارجہ نے باضابطہ طور پر اعتراف کیا ہے کہ ایران میں ہونے والی بدامنی اور ہنگاموں میں موساد کے عناصر کا کردار اور موجودگی ہے۔ خبر رساں ادارے تسنیم کے مطابق مائیک پومپیو (جو ٹرمپ کے پہلے دورِ صدارت میں وزیرِ خارجہ تھے) انہوں نے ایک نہایت اہم ٹویٹ میں بڑا اعتراف کیا ہے۔ انہوں نے باضابطہ طور پر کہا ہے کہ ایران میں ہونے والی بدامنی میں موساد کے عناصر موجود ہیں۔ پومپیو نے ایران میں ہونے والے ہنگاموں کی حمایت کرتے ہوئے کہا کہ ایران کی سڑکوں پر آنے والے لوگوں کے ساتھ اسرائیلی ایجنسی موساد کے اہلکار بھی موجود ہیں۔ ایران ہمیشہ سے یہ مؤقف اختیار کرتا آیا ہے کہ ان ہنگاموں اور بدامنی کے پیچھے امریکی عناصر اور اسرائیلی موساد شامل ہیں، لیکن یہ ان ابتدائی مواقع میں سے ایک ہے کہ خود امریکی اور اسرائیلی حکام بھی باضابطہ طور پر اس بات کو تسلیم کر رہے ہیں۔
The post ایران کی بدامنی اور ہنگاموں میں موساد کے عناصر موجود ہیں، پومپیو کا غیر معمولی اعتراف appeared first on شیعہ نیوز پاکستان.
