شیعہ نیوز: ایران کی فوج نے صہیونی ریاست میں پالماخیم ایئر بیس اور شاباک (شِن بیت) کے ہیڈکوارٹر پر ڈرون حملے کا اعلان کیا ہے۔
تسنیم کے مطابق ایرانی فوج نے اپنے اعلامیہ نمبر 24 میں کہا ہے کہ گزشتہ چند گھنٹوں کے دوران ایرانی فوج نے خودکش ڈرونز کے ذریعے صہیونی ریاست کے پالماخیم اور عوبِدا فضائی اڈوں کے نگرانی ٹاور، رَن وے اور ہینگرز کو نشانہ بنایا۔ اس کے علاوہ صہیونی ریاست کے داخلی سلامتی ادارے شِن بیت (شاباک) کے مرکز پر بھی حملہ کیا گیا۔
یہ بھی پڑھیں : تہران میں شہید فوجی کمانڈروں اور شہریوں کی تشییع جنازہ، ہزاروں افراد کی شرکت
بیان کے مطابق پالماخیم ایئر بیس، جو تل ابیب کے قریب واقع ہے، صہیونی ریاست میں سیٹلائٹ لانچنگ اور میزائل تجربات کا مرکز ہے اور یہاں میزائل دفاعی نظام “ڈیوڈز سلِنگ” اور ہرمس 900 ڈرونز بھی تعینات ہیں۔ اسی طرح عوبِدا ایئر بیس صہیونی فضائیہ کی ایک اہم اسٹریٹجک اور تربیتی تنصیب ہے۔ اس اڈے پر ماضی میں امریکی F-22 لڑاکا طیارے بھی تعینات رہے ہیں۔
بیان میں مزید کہا گیا کہ شِن بیت (شاباک) صہیونی ریاست کی داخلی سلامتی کا مرکزی ادارہ ہے جو سیکیورٹی آپریشنز کی قیادت، اہم شخصیات اور حساس تنصیبات کی حفاظت کے انتظامات کا ذمہ دار ہے۔
The post ایران کے اسرائیل میں شاباک کے مرکزی ہیڈکوارٹر اور پالماخیم ایئربیس پر ڈرون حملے appeared first on شیعہ نیوز پاکستان.
