شیعہ نیوز: اقوام متحدہ کی ڈپٹی سیکریٹری جنرل برائے سیاسی امور روزماری دی کارلو نے سلامتی کونسل کے اجلاس کے موقع پر کہا کہ ایران کے ایٹمی پروگرام کا پرامن، جامع اور مستحکم حل نکلنا چاہیے۔
روزماری دی کارلو نے ایران پر امریکہ اور صیہونی حکومت کی جارحیت کی مذمت کیے بغیر کہا کہ آئی اے ای اے کو این پی ٹی کے تحت ایران کے ایٹمی پروگرام کی نگرانی کرنی چاہیے۔
یہ بھی پڑھیں : آبنائے ہرمز میں بحری سیکورٹی کو بدستور انتہائی سنگین خطرات لاحق، برطانوی ادارے کا انتباہ
انہوں نے دعوی کیا کہ اسلام آباد سمجھوتے کے تحت ایران کے ایٹمی پروگرام کے بارے میں گفتگو ہونی ہے۔
ڈپٹی سیکریٹری جنرل دی کارلو نے کہا کہ ایران کے ایٹمی موضوع کے حل کے لیے مذاکرات کا تسلسل برقرار رہنا چاہیے۔
انہوں نے ایسے مذاکرات کی اقوام متحدہ کی جانب سے حمایت کا بھی اعلان کیا۔
قابل ذکر ہے کہ اقوام متحدہ کی سلامتی کونسل کے آج کے اجلاس میں مغربی ممالک کے دباؤ کے نتیجے میں قرارداد 2231 اور ایٹمی ہتھیاروں کے عدم پھیلاؤ معاہدے کے تحت ایران پر دباؤ ڈالنے کی کوشش کی جا رہی تھی۔
The post ایران کے ایٹمی پروگرام کے پرامن اور مستحکم حل کے خواہاں ہیں، اقوام متحدہ کا دعویٰ appeared first on شیعہ نیوز پاکستان.
