شیعہ نیوز: امریکی اخبار نے کہا ہے کہ ایران کے حملوں میں تنوع اور توقع سے زیادہ تعداد کی وجہ سے امریکی حکام کی پریشانی میں اضافہ ہورہا ہے۔
رپورٹ کے مطابق ایران کی جانب سے امریکہ اور صہیونی حکومت کی جارحیت کے بعد ایران کے جوابی حملے جاری ہیں۔
امریکی اخبار واشنگٹن پوسٹ کے مطابق ایران پوری طاقت کے ساتھ امریکہ اور اسرائیل پر جوابی حملے کررہا ہے۔ ایرانی حملوں کی نوعیت اور زیادہ تعداد کی وجہ سے واشنگٹن حکام سے شدید پریشانی کا شکار ہیں۔
یہ بھی پڑھیں : ایران نے امریکہ اور اسرائیل کی دکھتی رگ پر ہاتھ رکھ دیا، نیویارک ٹائمز
اخبار کے مطابق، ایران نے مختلف مقامات کو نشانہ بنایا ہے۔ امریکی حکام اس بات سے پریشان ہیں کہ ایرانی ہتھیار کس کے اختیار میں ہیں اور کون ان حملوں کو کنٹرول کررہا ہے؟
اخبار نے اپنے ذرائع کے حوالے سے کہا ہے کہ پینٹاگون اور ٹرمپ انتظامیہ کے اہلکار اس حوالے سے شدید پریشان ہیں کہ ایران کے ساتھ جنگ ان کے اختیار سے باہر ہوسکتی ہے۔
اخبار نے تاکید کی ہے کہ امریکی دفاعی حکام کو اس بات کی پریشانی ہے کہ کئی ہفتے جنگ جاری رہے تو امریکی دفاعی ذخائر پر دباو میں اضافہ ہوگا۔
The post ایران کے جوابی حملوں کے تنوع اور تعداد سے امریکی حکام پریشان ہیں واشنگٹن پوسٹ appeared first on شیعہ نیوز پاکستان.
