شیعہ نیوز: نائب صدر علاء الدین رفیع زادہ نے بتایا ہے کہ ایران کے خلاف امریکی جنگ میں 90 سرکاری ملازمین شہید ہوئے ہیں
ئب صدر اور امپلائنٹ و مینیجمنٹ آرگنائزیشن کے سربرہ علاء الدین رفیع زادہ نے سنیچر کو ہفتہ حکومت کی مناسبت سے ایک پریس کانفرنس میں بتایا کہ ایران کے خلاف امریکہ اور صیہونی حکومت کی 12 روزہ جنگ اور اس کے بعد جنگ رمضان میں شہید ہونے والوں میں 90 سرکاری ملازمین بھی شامل ہیں۔
انھوں نے کہا کہ جنگ میں ہماری کامیابی کا ایک ستون مسلح افواج ہیں جنھوں نے جان پر کھیل کر ملک کا دفاع کیا، اور دوسرا ستون عوام ہیں جنھوں نے سڑکوں اور چوراہوں پر اپنے اجتماعات سے، رہبر انقلاب اسلامی، مسلح افواج، حکومت اور قومی اقتدار اعلی کی حمایت کی۔
نائب صدر علاء الدین رفیع زادہ نے حکومت اور حکومتی ارکان کو امریکہ اور صیہونی حکومت کی مسلط کردہ جنگ میں ایران کی کامیابی کا تیسرا ستون قرار دیا جنھوں نے پہلے دو ستونوں کی حمایت کی۔
یہ بھی پڑھیں : میناب کی سرحدی سمندری حدود میں تیل اسمگل کرنے کی کوشش ناکام بنادی گئی
انھوں نے کہا کہ صدر مملکت، سینيئر نائب صدر اور کابینہ کے سبھی اراکین نے دن رات کام کیا اور سرکاری ملازمین اور کارکنوں کی مدد سے، پائیداری کے ساتھ خدمات کا سلسلہ جاری رکھا۔
نائب صدر علاء الدین رفیع زادہ نے کہا کہ جب دشمن بجلی کی تنصیبات پر حملہ کرتا تھا اور الیکٹرک سپلائی کے کارکن دو گھنٹے کے اندر بجلی کی سپلائی بحال کردیتے تھے تو فخر کا احساس ہوتا تھا۔
اسی طرح جب دشمن ریلوے لائن یا شاہراہوں کو اپنے حملے کا نشانہ بناتا تھا اور بہت تیزی کے ساتھ ریلوے اور روڈ ٹرانسپورٹ بحال کردیا جاتا تھا، اس وقت بھی فخرمحسوس ہوتا تھا۔
انھوں نے کہا کہ مارکٹ کنٹرول کے محکمے نے بھی حق ادا کردیا اور ملک میں اشیا کی کمی کا احساس نہ ہونے دیا۔ میں قبول کرتا ہوں کہ بعض چیزوں کی قیمتیں بہت بڑھ گئيں لیکن کہیں بھی کسی چیز کی قلت کا احساس نہیں ہوا۔
The post ایران کے خلاف امریکی جنگ میں 90 سرکاری ملازمین بھی شہید ہوئے ہیں appeared first on شیعہ نیوز پاکستان.
