شیعہ نیوز: حزب اللہ لبنان نے ایران کے اسلامی انقلاب کی 47 ویں سالگرہ پر کہا کہ پچھلے کئی دہائیوں میں دشمن کی ہر سازش ناکام رہی اور ایران کی ترقی جاری ہے۔
رپورٹ کے مطابق لبنان کی حزب اللہ نے ایران کے اسلامی انقلاب کی 47 ویں سالگرہ کے موقع پر بیان جاری کرتے ہوئے کہا ہے کہ گزشتہ 47 سالوں میں ایران کے خلاف تمام سازشیں ناکام ہو چکی ہیں۔
یہ بھی پڑھیں : ایران نے بیرونی دباؤ اور سازشوں کا مقابلہ وحدت، شہادت اور استقامت سے کیا، صدر پزشکیان
بیان میں کہا گیا کہ 11 فروری 1979 کو انقلاب کی کامیابی کے بعد سے امریکہ، مغربی ممالک اور اسرائیل کی طرف سے ایران کو الگ تھلگ کرنے اور بالآخر اسلامی جمہوریہ کو ختم کرنے کی کوششیں کی گئی، لیکن ایران کی مسلسل ترقی اور پچھلے تقریباً پانچ دہائیوں کا تعمیری سفر یہ ظاہر کرتا ہے کہ تمام سازشیں مکمل طور پر ناکام رہی ہیں۔
حزب اللہ نے اس بات پر زور دیا کہ انقلاب کی آزادی پسند وژن اور قوم سازی کے اصولوں نے ہر بیرونی منصوبے کو ناکام بنایا ہے۔
مزید برآں، حزب اللہ نے رہبر انقلاب حضرت آیت اللہ سید علی خامنہ ای، ایرانی حکام اور ایرانی قوم کو اس موقع پر مبارکباد پیش کی۔
The post ایران کے خلاف تمام بیرونی سازشیں ناکام ہو گئیں، حزب اللہ لبنان appeared first on شیعہ نیوز پاکستان.
