شیعہ نیوز: واشنگٹن پوسٹ کے کالم نویس فرید زکریا نے لکھا ہے کہ ٹرمپ کے طرزعمل نے واشنگٹن کے وعدوں پر اتحادیوں کا اعتماد ختم کردیا ہے
رپورٹ کے مطابق ممتاز تجزیہ نگار اور روزنامہ واشنگٹن پوسٹ کے کالم نویس فرید زکریا نے اپنے تازہ تجزیئے میں لکھا ہے کہ ایران کے خلاف جنگ اس بات کا کھلا نمونہ ہے کہ ایک سپرپاور کی حیثیت کس طرح خاک میں ملتی ہے۔
انھوں نے لکھا ہے کہ ایران کے خلاف امریکی جنگ نے واشنگٹن کے وعدوں پراس کے اتحادیوں کا اعتماد ختم کردیا اور وہ اس کے متبادل کی جستجو پر مجبور ہوگئے۔
فرید زکریا نے لکھا ہے کہ یاد رکھیں کہ سعودی عرب اور قطر نے ابھی گزشتہ سال ہی ٹرمپ سے سیکورٹی کی ضمانت حاصل کی تھی لیکن اب دیگر ملکوں کے لئے ٹرمپ کا اعتبار ختم ہوچکا ہے۔
یہ بھی پڑھیں : ایران نے آبنائے ہُرمُز کھولنے کیلئے امریکا کو مطالبات کی فہرست تھما دی
انھوں نے مثال کے طور پر سعودی عرب، ترکیہ اور پاکستان کے معاہدے کا ذکر کیا ہے اور لکھا ہے کہ سعودی عرب اور ترکیہ، گزشتہ عشرے کے دوران ایک دوسرے کے مخالف اور دشمن تھے، لیکن انھوں نے مکہ دفاعی معاہدے پر دستخط کردیئے۔
فرید زکریا نے لکھا ہے کہ پاکستان کے سعودی عرب سے روابط اچھے رہے ہیں لیکن سعودی عرب اور ترکیہ قطر، مصر، اخوان المسلمین اور سب سے بڑھ کر جمال خاشقجی کے قتل کے معاملے میں ایک دوسرے کے سخت ترین مخالف تھے۔
انھوں نے لکھا ہے کہ سوال یہ ہے کہ کس چیز نے انہیں ایک دوسرے کے قریب کیا؟ جواب ہے ڈونلڈ ٹرمپ نے۔ یا زیادہ دقیق کہا جائے تو، یہ ایران کے خلاف جنگ ہے جس نے ٹرمپ کی باتوں پر دونوں کا اعتماد ختم کردیا۔
The post ایران کے خلاف جنگ نے امریکی حیثیت خاک میں ملادی، فرید زکریا appeared first on شیعہ نیوز پاکستان.
