شیعہ نیوز: اسرائیلی میڈیا کے مطابق ایک ایرانی میزائل شمالی شہر صفد میں جا گرا جبکہ حیفا اور الجلیل میں بھی متعدد دھماکوں کی آوازیں سنی گئیں۔
رپورٹ کے مطابق اسرائیلی ہوم سیکورٹی کے کمانڈ نے اعلان کیا ہے کہ چند لمحے قبل طبریا، الجلیل، جنوب حیفا اور السهل کے علاقوں میں خطرے کے سائرن بج اٹھے ہیں۔
مقامی میڈیا رپورٹس کے مطابق شہر حیفا میں بھی ایران کی جانب سے فائر کیے گئے میزائلوں کے بعد سائرن مسلسل سنائی دیتے رہے۔
صہیونی میڈیا نے بتایا ہے کہ ایران کا ایک میزائل شمالی شہر صفد میں آ کر گرا۔ اسرائیلی چینل 12 نے اس حملے کی تصدیق کرتے ہوئے کہا کہ میزائل ایک کھلے علاقے میں گرا، تاہم دوسری رپورٹس میں دعویٰ کیا جا رہا ہے کہ حیفا میں متعدد دھماکوں کی آوازیں سنی گئی ہیں جو ایران کے مرحلہ وار میزائل حملوں کے نتیجے میں تھیں۔
الجلیل کے مختلف حصوں میں بھی سائرن بجنے اور دھماکوں کی اطلاعات موصول ہوئی ہیں۔
یہ بھی پڑھیں : جنگ میں شدت آئی تو پورا خطہ خطرناک صورت حال میں پھنس سکتا ہے، چین
دوسری جانب صہیونی وزارت صحت نے کہا ہے کہ ایران اور حزب اللہ کے حملوں میں اب تک چار ہزار سے زائد زخمی ہوگئے ہیں جن میں گذشتہ رات زخمی ہونے والے تین سو بھی شامل ہیں۔
رپورٹ کے مطابق اسرائیلی وزارت صحت نے اعلان کیا ہے کہ ایران کے ساتھ جاری جنگ کے آغاز سے اب تک 4564 افراد زخمی ہوچکے ہیں۔
غیر ملکی خبر رساں ادارے کے مطابق صہیونی وزارت نے ایک بیان میں کہا کہ ایران کی جانب سے حملے شروع ہونے کے بعد سے اب تک ہزاروں زخمیوں کو اسپتال منتقل کیا گیا۔
بیان کے مطابق گزشتہ 24 گھنٹوں کے دوران 303 افراد کو اسپتال منتقل کیا گیا جن میں آٹھ افراد کی حالت سنگین، 29 کی درمیانی جبکہ 256 افراد کو معمولی زخم آئے۔
The post ایران کے میزائل حملے، صفد، حیفا اور الجلیل میں خطرے کے سائرن بج اٹھے appeared first on شیعہ نیوز پاکستان.
