شیعہ نیوز: صدر مملکت نے کہا ہے کہ دشمن آسانی سے ایران کا محاصرہ نہیں کر سکتا کیونکہ اس کے پندرہ ہمسایہ ممالک ہیں اور ہر راستے سے مختلف میدانوں میں لین دین جاری رکھا جا سکتا ہے۔
صدر مملکت مسعود پزشکیان نے امید ظاہر ہے کی کہ ترکمانستان کا دورہ ایران کے ہمسایہ ممالک کے ساتھ تعلقات کو مزید فروغ دینے اور بحری محاصرے کے نتیجے میں پیدا ہونے والے اثرات کو کم کرنے کا مناسب موقع فراہم کرے گا۔
انھوں نے کہا ہے کہ دشمن آسانی سے ایران کا محاصرہ نہیں کر سکتے کیونکہ اس کے پندرہ ہمسایہ ممالک ہیں اور ہر راستے سے اقتصادی، تجارتی، سیاسی اور سلامتی کے میدان میں لین دین جاری رکھا جا سکتا ہے۔
یہ بھی پڑھیں : ہمارے ٹیکس کا پیسہ اسرائیل کے جنگی جرائم کی مالی معاونت میں خرچ ہورہا ہے، زہران ممدانی
رپورٹ کے مطابق انھوں نے جمعرات کو ترکمانستان روانہ ہونے سے قبل دولت مشترکہ کے رکن ممالک کے سربراہوں کی کونسل کے دو اجلاسوں میں مہمان خصوصی کے طور پر شرکت اور خطاب اور بحیرۂ کیسپین کے ساحلی ممالک کے سربراہوں کے ماحولیاتی اجلاس میں شرکت کے بارے میں بتایا کہ یہ دورہ ترکمانستان کے صدر سردار بردی محمداف کی باضابطہ دعوت پر ہو رہا ہے۔
انھوں نے زور دے کر کہا کہ ترکمانستان کا دورہ اس بات کا ایک اچھا موقع ہے کہ ہم ان دونوں اجلاسوں میں شریک ممالک کے ساتھ کثیر فریقی تعلقات، اجارہ داری سے مقابلے، توانائی کے شعبے میں تعاون اور دیگر سیاسی، اقتصادی، سماجی اور سلامتی کے امور کے بارے میں بات چیت کریں۔
انھوں نے کہا کہ متعلقہ وزراء مختلف کمیشنوں کے ڈھانچے میں ترکمانستان جا چکے ہیں اور بات چیت جاری ہے، یہ ایک اچھا موقع ہے کہ ہمسایہ ممالک کے ساتھ تعلقات کو مزید گہرا کیا جائے اور بحری محاصرے کے نتیجے میں پیدا ہونے والے مسائل کو کم کیا جائے۔ دشمن اتنی آسانی سے ایران کا محاصرہ نہیں کر سکتے کیونکہ ایران کے پندرہ ہمسایہ ممالک ہیں اور ہر راستے سے اقتصادی، تجارتی، سیاسی اور سلامتی کے میدانوں میں لین دین جاری رکھا جا سکتا ہے۔
صدر مملکت نے امید ظاہر کی کہ یہ دورہ مطلوبہ اور پہلے سے طے شدہ اہداف حاصل کرنے میں کامیاب رہےگا۔
The post ایران کے پندرہ ہمسایہ ممالک ہیں اور دشمن آسانی سے ہمارا محاصرہ نہیں کر سکتا، پزشکیان appeared first on شیعہ نیوز پاکستان.
