شیعہ نیوز: دنیا میں مصنوعی ذہانت (AI) کی تیز رفتار ترقی نے ایک بار پھر سنگولیریٹی (Technological Singularity) سے متعلق خدشات اور بحث کو جنم دے دیا ہے۔
ٹیکنالوجی کے شعبے سے وابستہ معروف ارب پتی شخصیت ایلون مسک نے دعویٰ کیا ہے کہ انسانیت سنگولیریٹی کے ابتدائی مرحلے میں داخل ہو چکی ہے جہاں اے آئی انسانی ذہانت کو پیچھے چھوڑ سکتی ہے۔
اسپیس ایکس اور ایکس اے آئی کے سربراہ ایلون مسک نے سوشل میڈیا پلیٹ فارم ایکس (سابقہ ٹوئٹر) پر کہا ہے کہ ’ہم سنگولیریٹی کے آغاز میں ہیں۔‘
یہ بھی پڑھیں : چین نے آن لائن فراڈ میں ملوث میانمار کے مزید 4 ملزمان کو پھانسی دیدی
ایلون مسک کے مطابق اس وقت انسان سورج کی طاقت کا ایک اربواں حصہ بھی استعمال نہیں کر رہا جو مستقبل میں اے آئی کی بے پناہ ترقی کی طرف اشارہ ہے۔
یہ پہلا موقع نہیں کہ ایلون مسک نے اس موضوع پر بات کی ہو۔
گزشتہ ماہ بھی اُنہوں نے ایک پوسٹ میں کہا تھا کہ ہم سنگولیریٹی میں داخل ہو چکے ہیں اور 2026ء سنگولیریٹی کا سال ہو گا۔
ایلون مسک کے اس بیان نے دنیا بھر میں ایک بڑی تکنیکی تبدیلی کے امکانات کو مزید تقویت دی ہے۔
The post ایلون مسک کی مصنوعی ذہانت سے متعلق چونکا دینے والی پیشگوئی appeared first on شیعہ نیوز پاکستان.
