شیعہ نیوز: مجلس وحدت مسلمین پاکستان کے کرم سے منتخب ایم این اے انجینئر حمید حسین نے کرم میں جاری حالیہ آپریشن کی مخالفت کردی ہے۔ ایک بین الاقوامی نیوز ویب سائٹ کیساتھ اپنے انٹرویو میں انجینئر حمید حسین کا کہنا تھا کہ حالیہ دہشتگردی کی جنگ میں عوام کو اعتماد میں لیا جانا چاہیئے، سرحدی تناؤ نے عوام میں بےچینی بڑھا دی ہے۔ آئین پامال ہو رہا ہے، انصاف نہیں مل رہا، عوام جائیں تو کہاں جائیں۔ ان کا کہنا تھا کہ کرم میں جاری اس آپریشن کا کوئی فائدہ نہیں، ہم نے پانچ سیکورٹی اہلکاروں کی شہادت پر آپریشن شروع کیا اور اس میں پچیس اہلکار مزید شہید کروا دیئے۔ لوگوں کو گھر چھوڑنے پر مجبور کیا جارہا ہے، وہ گھر نہیں چھوڑتے تو ان پر سنٹرل کرم میں بمباری کردی جاتی ہے۔
The post ایم ڈبلیو ایم کے ایم این اے نے کرم میں حالیہ آپریشن کی مخالفت کردی appeared first on شیعہ نیوز پاکستان.
