شیعہ نیوز: ایران کی آرمی نے کہا ہے کہ صاعقہ آپریشن کے گیارہویں اور بارہویں مرحلے کے دوران بحرین اور کویت میں امریکی فوج کے مراکز اور لاجسٹک تنصیبات کو خودکش ڈرونز کے ذریعے نشانہ بنایا گیا۔
رپورٹ کے مطابق ایران کی آرمی کے شعبۂ تعلقاتِ عامہ نے ایک بیان میں کہا ہے کہ بحرین اور کویت میں واقع امریکی فوجی مراکز پر ڈرون حملے کیے گئے ہیں۔
تفصیلات کے مطابق، فوج کے بیان میں کہا گیا ہے کہ “صاعقہ” آپریشن کے گیارہویں مرحلے میں بحرین کے الصخیر فوجی اڈے پر موجود امریکی فوج کے ہیلی کاپٹروں اور P-8 جاسوس طیاروں کے مقام کو آرش خودکش ڈرونز کے ذریعے نشانہ بنایا گیا۔
بیان میں کہا گیا کہ یہ کارروائی امریکہ کی جانب سے ایران میں شہری بنیادی ڈھانچے اور بے گناہ شہریوں کو نشانہ بنانے کے جواب میں کی گئی ہے۔
یہ بھی پڑھیں : اقوام متحدہ: امریکی حملے جنگی جرائم، دفاع کے تمام ذرائع استعمال کرنے کا حق ہے، ایرانی مندوب کا خط
ایرانی فوج نے مزید کہا کہ ملک کی سلامتی اور خودمختاری اس کی سرخ لکیر ہے اور کسی بھی جارحیت کا فوری اور فیصلہ کن جواب دیا جائے گا۔
ایک علیحدہ بیان میں ایرانی آرمی نے کہا کہ “صاعقہ” آپریشن کے بارہویں مرحلے کے دوران کویت میں امریکی فوج کے لاجسٹک سپورٹ مراکز اور وہاں تعینات اہلکاروں کے مقامات کو بھی آرش خودکش ڈرونز سے نشانہ بنایا گیا۔
بیان کے مطابق، یہ حملے حالیہ واقعات اور ایرانی شہداء کے خون کا بدلہ لینے کے لیے کیے گئے، جبکہ فوج نے اس عزم کا اعادہ کیا کہ عوامی حمایت، عسکری تیاری اور تجربے کی بنیاد پر ایران ہر قسم کے دباؤ اور خطرات کا بھرپور مقابلہ کرے گا۔
The post بحرین اور کویت میں امریکی فوجی مراکز پر ایرانی آرمی کے ڈرون حملے appeared first on شیعہ نیوز پاکستان.
