شیعہ نیوز: یمنی مسلح افواج کے ترجمان نے کہا ہے کہ بحیرۂ احمر میں دو سعودی آئل ٹینکروں کو میزائلوں اور ڈرونز سے نشانہ بنایا گیا، جبکہ سعودی عرب کی کسی بھی کارروائی کا جواب اس کی سرزمین کے اندر دیا جائے گا۔
رپورٹ کے مطابق یمنی مسلح افواج کے ترجمان جنرل یحیی سریع نے کہا ہے کہ بحیرۂ احمر میں ایک فوجی کارروائی کے دوران دو سعودی آئل ٹینکروں کو نشانہ بنایا گیا۔
یمنی مسلح افواج کے بیان میں کہا گیا ہے کہ مذکورہ دونوں آئل ٹینکروں نے بحیرۂ احمر میں آمدورفت پر عائد پابندی کی خلاف ورزی کی تھی، جس کے باعث انہیں فوجی کارروائی کا نشانہ بنایا گیا۔
یہ بھی پڑھیں : پنٹاگون: اردن میں لاپتہ ہونے والے فوجی کی ہلاکت کا امکان ہے
بیان کے مطابق یہ کارروائی متعدد بیلسٹک میزائلوں، کروز میزائلوں اور ڈرونز کے ذریعے کی گئی، جس کے نتیجے میں دونوں آئل ٹینکروں میں آگ لگ گئی۔
جنرل یحیی سریع نے مزید کہا کہ اس کارروائی کے دوران تقریباً دس بحری جہاز اپنا راستہ تبدیل کرکے واپس لوٹنے پر مجبور ہوئے۔
انہوں نے کہا کہ سعودی عرب کے خلاف بحری کارروائیاں محاصرے کے بدلے محاصرہ کی حکمتِ عملی کے تحت جاری رہیں گی، اور اگر سعودی عرب نے یمن کے خلاف کوئی کارروائی کی تو اس کا جواب سعودی سرزمین کے اندر وسیع فوجی کارروائیوں کی صورت میں دیا جائے گا۔
The post بحیرۂ احمر میں دو سعودی آئل ٹینکروں پر حملہ، سعودی عرب کو سخت جواب کی دھمکی appeared first on شیعہ نیوز پاکستان.
