شیعہ نیوز: امریکی وزیر خارجہ نے کہا ہے کہ برطانیہ کے فیئرفورڈ ائير بیس سے امریکہ کے بمبارے طیاروں کی منتقلی ایک معمول کی کارروائی ہے۔
رپورٹ کے مطابق امریکہ کے وزیر خارجہ اور قومی سلامتی کے مشیر مارکو روبیو نے برطانیہ میں واقع “فیئرفورڈ” بیس سے امریکی بمبار طیارے ہٹائے جانے پر ردعمل ظاہر کرتے ہوئے کہا ہے کہ یہ معمول کی منتقلی تھی۔
روئٹرز نے رپورٹ دی کہ روبیو نے پیر کے روز دعویٰ کیا کہ واشنگٹن اپنے تمام اڈوں کی سلامتی کی طرف سے مطمئن ہے۔ روبیو کا یہ بیان گزشتہ ہفتے برطانیہ کے فیئرفورڈ ایئر بیس کے قریب پانچ افراد کو “مبینہ دہشت گردانہ کارروائیوں” کی تیاری کے الزام میں گرفتار کیے جانے کے بعد سامنے آيا ہے۔
یہ بھی پڑھیں : یمنی فوج کی جانب سے تعز کا محاصرہ، سعودی حمایت یافتہ فورسز کو بھاری جانی نقصان
روبیو نے اس اڈے سے امریکی “بی-1” (B-1) بمبار طیارے منتقل کرنے کے فیصلے کے بارے میں پوچھے گئے ایک سوال کے جواب میں کہا کہ وزارت جنگ ضرورت کے مطابق وسائل کو منتقل کرتی رہتی ہے اور وہ گزشتہ ہفتے کے واقعے کو اس اقدام سے براہ راست نہیں جوڑنا چاہتے۔ انھوں نے مزید کہا کہ اس معاملے میں برطانوی حکام نے بہت اچھا تعاون کیا ہے۔
یاد رہے کہ برطانیہ کی انسداد دہشت گردی پولیس نے گزشتہ ہفتے اتوار کے روز اعلان کیا تھا کہ گلوسٹرشائر میں فیئرفورڈ ایئر بیس کے قریب وولفورڈ کے علاقے میں پانچ افراد کو دھماکہ خیز مواد سے متعلق جرائم اور “ایک دہشت گردانہ کارروائی کی تیاری” کے شبہے میں گرفتار کیا گیا ہے اور اس سلسلے میں تحقیقات اب بھی جاری ہیں۔
اس معاملے میں برطانیہ میں ایران کے خلاف میڈیا کا شوروغل اور سیاسی شور شرابہ واقعے کی ابتدا ہی سے شروع ہو گیا تھا تاہم تہران نے اس معاملے کے ابتدائی دنوں میں ہی اس سے اپنے کسی بھی قسم کے تعلق کی تردید کی ہے۔
لندن میں ایرانی سفارت خانے نے تہران کو فیئرفورڈ میں ہوئی گرفتاریوں سے جوڑنے کی قیاس آرائیوں کو “بے بنیاد اور معاندانہ” قرار دیا ہے اور کہا ہے کہ ایران پر امریکہ اور اسرائیل کے حملوں کے بعد کے ماحول میں اس طرح کے دعوے، برطانیہ میں ایرانوفوبیا کو ہوا دیں گے۔
The post برطانیہ کے فیئرفورڈ سے امریکی بمبار طیارے ہٹایا جانا معمول کا کام ہے، مارکو روبیو appeared first on شیعہ نیوز پاکستان.
