شیعہ نیوز: سکیورٹی فورسز اور قانون نافذ کرنے والے اداروں نے بلوچستان کے 12 مقامات پر فتنہ الہندوستان کے دہشتگردوں کے بزدلانہ حملے ناکام بناتے ہوئے 58 دہشتگردوں کو ہلاک کر دیا۔
سکیورٹی ذرائع کے مطابق فتنتہ الہندوستان کے دہشتگردوں کے حملوں کو روکنے کے لیے سکیورٹی فورسز اور دیگر قانون نافذ کرنے والے اداروں نے بروقت اور مؤثر کارروائیاں کیں، فورسز نے دہشتگردوں کے تمام حملے ناکام بنا دیے۔
ذرائع کا کہنا ہے کہ دہشتگردانہ کارروائیوں میں اب تک فتنہ الہندوستان کے 58 دہشتگرد ہلاک ہوئے جبکہ مقابلوں میں سکیورٹی اداروں اور پولیس کے 10 جوان شہید ہوئے۔
یہ بھی پڑھیں : ایرانی بری فوج ہر قسم کے خطرات سے نمٹنے کے لیے مکمل طور پر تیار ہے، بریگیڈیئر جنرل جہانشاہی
سکیورٹی ذرائع کا کہنا ہے کہ فتنہ الہندوستان نےگوادر میں بلوچ مزدور خاندان کے 5 افراد کو بھی شہید کیا، پانچوں افراد کا تعلق خضدار سے تھا۔
ذرائع کا بتانا ہے کہ سکیورٹی فورسز کی طرف سے مزید تعاقبی آپریشنز اور فضائی نگرانی کا عمل جاری ہے۔
The post بلوچستان ، فتنہ الہندوستان کے 58 دہشتگرد جہنم واصل ، دہشت گردوں کے بڑے حملے پسپا appeared first on شیعہ نیوز پاکستان.
