شیعہ نیوز: اسرائیلی اپوزیشن لیڈر اور سابق وزیراعظم یائر لیپڈ نے وزیراعظم بنیامین نیتن یاہو پر کڑی تنقید کرتے ہوئے کہا ہے کہ وہ دنیا بھر میں اسرائیل کے ماتھے پر ایک بدنما داغ (Stain) بن چکا ہے۔
رپورٹ کے مطابق اسرائیلی اپوزیشن کے سربراہ یائر لیپڈ نے وزیراعظم بنیامین نیتن یاہو پر سخت حملہ کرتے ہوئے کہا ہے کہ نیتن یاہو اب پوری دنیا کے سامنے ایک ایسی رسوائی بن چکے ہیں جس سے اسرائیل کا چہرہ مسخ ہو رہا ہے۔
یہ تنازع اس وقت شروع ہوا جب اسرائیلی پارلیمنٹ کے سپیکر امیر اوحانا، پیراگوئے کے پارلیمانی سپیکر رائول لاٹوری کو نیتن یاہو سے ملوانے کے لیے اس عدالت میں لے گئے جہاں وزیراعظم کے خلاف کرپشن کیس کی سماعت ہو رہی تھی۔
یہ بھی پڑھیں : بھارتی میڈیا کی سڈنی حملے کے بعد پاکستان کو بدنام کرنے کی منظم سازش بے نقاب
عدالت نے پہلے ہی نتن یاہو کی اس استدعا کو مسترد کر دیا تھا کہ انہیں غیر ملکی مہمانوں سے ملاقات کی وجہ سے حاضری سے معافی دی جائے، تاہم عدالت نے صرف سماعت کے دورانیے میں کچھ کمی کی اجازت دی تھی۔
عدالت کی راہداریوں میں نیتن یاہو اور پیراگوئے کے عہدیدار کے ہاتھ ملانے کی ویڈیوز اور تصاویر وائرل ہونے کے بعد اپوزیشن لیڈر یائر لیپڈ نے اپنے پیغام میں کہا کہ پیراگوئے کے سپیکر کو نیر عوز (ایرانی حملے سے متاثرہ علاقہ) لے جانے کے بجائے عدالت کے کمرے میں لایا گیا؛ یہ انتہائی شرمناک ہے۔ نیتن یاہو آج دنیا کے سامنے اسرائیل کے لیے ایک بدنما داغ بن چکے ہیں۔
یاد رہے کہ نیتن یاہو کو بدعنوانی کے تین بڑے مقدمات کا سامنا ہے، جن میں جرم ثابت ہونے کی صورت میں انہیں قید کی سزا ہو سکتی ہے۔ اگرچہ انہوں نے صدر اسحاق ہرتزوگ سے معافی کی درخواست بھی کر رکھی ہے، لیکن ان مقدمات کا مستقبل ابھی تک غیر یقینی ہے۔
The post بنیامین نیتن یاہو اسرائیل کے ماتھے پر بدنما داغ بن چکا ہے، یائر لیپڈ appeared first on شیعہ نیوز پاکستان.
