شیعہ نیوز: ایران نے بین الاقوامی ایٹمی توانائی ایجنسی کے بورڈ آف گورنرز کے آئندہ اجلاس کے دوران مغربی ملکوں کو سیاسی محرکات کی بابت سخت خبردار کیا ہے۔
ویانا میں قائم بین الاقوامی اداروں میں ایران کے مستقل مشن نے مغربی ملکوں کو خبردار کرتے ہوئے کہا ہے کہ رول بیک میکانزم فعال کرنے کے بعد ایران مخالف قرارداد کی منظوری ایک اور بڑی غلطی ہوگی۔
ایرانی مشن کے پیغام میں آیا ہے کہ امریکہ اور تین یورپی ممالک بورڈ آف گورنرز کے اگلے اجلاس میں ایران کے خلاف قرارداد پیش کرنے کا ارادہ رکھتے ہیں۔ یہ اقدام، جو کہ نام نہاد رول بیک میکانزم کے بعد ایک اور بڑی غلطی ہوگی۔
یہ بھی پڑھیں : اسرائیلی فوج کی بدمعاشی جاری ، لبنانی سرزمین پر تعمیرات شروع
بیان میں یورپی ممالک کی اس اقدام کو بورڈ آف گورنرز کے اجلاس کو سیاسی رنگ دینے کی ایک دانستہ کوشش قرار دیا گیا ہے۔
اعلان کردہ شیڈول کے مطابق بورڈ آف گورنرز کے اجلاس کا اگلا دور آئندہ ہفتے بدھ کو ویانا میں ہوگا۔
المیادین نیٹ ورک نے پہلے اطلاع دی تھی کہ تین یورپی ممالک بین الاقوامی جوہری توانائی ایجنسی کے بورڈ آف گورنرز کے آئندہ اجلاس میں ایک مسودہ قرارداد پیش کرنے کا ارادہ رکھتے ہیں، جس میں ایران کی جوہری سرگرمیوں کے بارے میں خدشات پر توجہ مرکوز کی گئی ہے اور نئی پابندیوں اور ایران کے یورینیم کے ذخائر کی صورت حال کے بارے میں مسلسل رپورٹنگ کا مطالبہ کیا گیا ہے۔
The post بورڈ آف گورنرز کے اجلاس کے موقع پر مغربی ملکوں کی سیاست بازی، ایران کا سخت انتباہ appeared first on شیعہ نیوز پاکستان.
