شیعہ نیوز: بھارتی ریاست اوڈیشہ میں ہندو تنظیم بجرنگ دَل کے ایک جتھے نے عیسائی پادری کو تشدد کا نشانہ بنایا، جسے دی نیو انڈین ایکسپریس نے خوفناک واقعے کے طور پر رپورٹ کیا ہے۔
بھارتی ریاست اوڈیشہ میں ایک عیسائی پادری پر مبینہ طور پر انتہا پسند ہندو تنظیم کے کارکنوں نے تشدد کیا، جس پر انسانی حقوق کے حلقوں میں تشویش پائی جا رہی ہے۔
یہ بھی پڑھیں : صدر ٹرمپ ایران پر حملے اور گرین لینڈ پر قبضے کی کوشش سے دستبردار
پادری اہلِ خانہ اور دیگر افراد کے ساتھ ایک گھر میں دعائیہ اجتماع میں شریک تھے، جب ہجوم نے انہیں نشانہ بنایا۔
دی نیو انڈین ایکسپریس کے مطابق پادری کو زبردستی گائے کی غلاظت کھلائی گئی اور مذہبی نعرے لگوائے گئے۔
بھارتی اخبار کے مطابق ہجوم نے پادری کو لاٹھیوں سے بری طرح مارا پیٹا، چہرے پر سرخ سندور مل دیا، جوتوں کا ہار پہنایا اور گاؤں میں گھمایا۔ درخواست کے باوجود پولیس نے انہیں مدد فراہم نہیں کی۔
ماہرین کے مطابق اقلیتوں پر اس قسم کے تشدد سے بھارت میں سماجی انتشار بڑھ رہا ہے اور ملک میں بغاوت کے خطرات مزید شدت اختیار کر رہے ہیں۔
The post بھارتی ریاست میں عیسائی پادری پر ہولناک تشدد، انتہا پسندی نے نئی حد پار کرلی appeared first on شیعہ نیوز پاکستان.
