شیعہ نیوز: امریکہ کی جانب سے ایران سے تجارت کرنے والے ممالک پر 25 فیصد ٹیرف پر چینی وزارت خارجہ کا ردعمل سامنے آیا ہے۔
چینی وزارت خارجہ کی جانب سے جاری بیان میں کہا گیا ہے کہ ایسے اقدامات دوسرے ممالک کے داخلی معاملات میں مداخلت کے مترادف ہیں، تجارتی جنگوں اور ٹیرف پالیسیوں کا کوئی فاتح نہیں ہوتا، ایسے اقدامات سے عالمی معیشت کو نقصان پہنچتا ہے۔
یہ بھی پڑھیں : ڈونلڈ ٹرمپ نے ایران سے تجارت کرنے والے ممالک پر 25 فیصد ٹیرف نافذ کر دیا
چینی حکام کاکہنا ہے کہ خودمختار ممالک کےدرمیان معمول کا تجارتی تعاون قابلِ احترام ہونا چاہیے، تجارت کو سیاسی دباؤ کے لیے استعمال نہیں کیا جانا چاہیے،ایران سمیت دیگر ممالک کے ساتھ قانون کے دائرے میں رہتے ہوئے تجارتی تعلقات جاری رکھیں گے،امریکہ غیر قانونی پابندیاں ختم کرے،مذاکرات اورکثیر الجہتی تعاون کا راستہ اختیار کیا جائے۔
واضح رہے کہ امریکہ نے ایران سے تجارت کرنے والے ممالک پر 25 فیصد ٹیرف عائد کرنے کی دھمکی دی ہے۔
The post تجارتی جنگوں اور ٹیرف پالیسیوں کا کوئی فاتح نہیں ہوتا، چینی وزارت خارجہ appeared first on شیعہ نیوز پاکستان.
