شیعہ نیوز: اسلام آباد کے علاقے ترلائی میں ہونے والے افسوسناک بم دھماکے کے بعد علامہ آصف رضا علوی نمایاں طور پر متحرک نظر آئے۔
ذرائع کے مطابق انہوں نے دھماکے کے فوری بعد مثبت اور ذمہ دارانہ زبان استعمال کرتے ہوئے ملت کے عمائدین، سیاسی شخصیات اور مختلف سماجی حلقوں سے فوری رابطے کیے اور صورتحال سے متعلق حقائق پر مبنی آگاہی فراہم کی۔
اطلاعات کے مطابق علامہ آصف رضا علوی نے زخمیوں کی فوری امداد اور علاج معالجے کے لیے ملک کے مختلف شہروں میں موجود افراد اور تنظیموں سے مسلسل رابطہ رکھا، تاکہ متاثرین کو بروقت طبی سہولیات اور ضروری مدد فراہم کی جا سکے۔
یہ بھی پڑھیں : ترلائی بم دھماکہ ،ایک اور معصوم زخموں کی تاب نہ لاتے ہوئے شہید ہوگیا
دوسری جانب سوشل میڈیا پر بھی ان کی سرگرمیاں نمایاں رہیں، جہاں انہوں نے ملت کے مؤقف کا دفاع کیا اور مختلف پوسٹس کے ذریعے عوامی شعور اجاگر کرنے کی کوشش کی۔
مبصرین کے مطابق ان کے بیانات نے بعض حلقوں میں بحث کو جنم دیا اور لوگوں کو صورتحال پر سنجیدگی سے غور کرنے پر آمادہ کیا۔
واضح رہے کہ ترلائی دھماکے کے بعد مختلف سماجی و مذہبی شخصیات نے متاثرین سے اظہار یکجہتی کرتے ہوئے امدادی سرگرمیوں میں حصہ لیا اور حکومتی سطح پر بھی تحقیقات اور سیکیورٹی اقدامات کے مطالبات سامنے آئے۔
The post ترلائی بم دھماکہ: علامہ آصف رضا علوی کی متحرک سرگرمیاں، امدادی رابطے اور سوشل میڈیا پر مثبت کردار appeared first on شیعہ نیوز پاکستان.
