شیعہ نیوز: ترکی کے شہر استنبول میں دو سال سے بند اسرائیلی قونصل خانے کے قریب فائرنگ کا واقعہ پیش آیا، جھڑپ میں تین حملہ آور ہلاک جبکہ دو پولیس اہلکار زخمی ہو گئے۔
رپورٹس کے مطابق نامعلوم مسلح افراد نے فائرنگ کی، جس کے بعد ترک سیکیورٹی فورسز کے ساتھ شدید جھڑپ ہوئی۔ اس جھڑپ میں تین حملہ آور ہلاک جبکہ دو پولیس اہلکار زخمی ہو گئے۔
ترک میڈیا کے مطابق ہلاک ہونے والے تینوں افراد حملہ آور تھے، جنہیں سیکیورٹی فورسز نے بروقت کارروائی کرتے ہوئے مار گرایا۔
یہ بھی پڑھیں : متحدہ عرب امارات اسٹاک مارکیٹ کا 120 ارب ڈالر کا نقصان، دبئی اور ابوظہبی تباہی کے دہانے پر
عینی شاہدین کے مطابق فائرنگ کی آوازیں دور تک سنائی دیں، جبکہ ویڈیو فوٹیج میں ایک پولیس اہلکار کو پوزیشن لیتے اور جوابی کارروائی کرتے دیکھا جا سکتا ہے۔
یہ واقعہ استنبول کے بشکتاش ضلع میں پیش آیا، جہاں اسرائیلی قونصل خانہ واقع ہے۔ تاہم یہ بات ابھی تک واضح نہیں ہو سکی کہ آیا قونصل خانے کو براہِ راست نشانہ بنایا گیا یا نہیں۔
دلچسپ بات یہ ہے کہ مقامی ذرائع کے مطابق یہ قونصل خانہ گزشتہ تقریباً دو سال سے بند ہے اور غالب امکان ہے کہ اس وقت وہاں کوئی عملہ موجود نہیں تھا۔
واقعے کے بعد علاقے کو مکمل طور پر گھیرے میں لے لیا گیا، جبکہ بھاری پولیس نفری تعینات کر دی گئی ہے اور تحقیقات جاری ہیں۔
The post ترکی میں اسرائیلی قونصلیٹ کے قریب فائرنگ، دو ترک پولیس اہلکار زخمی appeared first on شیعہ نیوز پاکستان.
