حوزہ/ تہران میں بین الاقوامی قرآنی نمائش کی پہلی شب میں قرآنی فضا قائم رہی اور ہر طرف قرآنی ماحول رہا، جہاں شہریوں کی بڑی تعداد نے شرکت کی اور مختلف ثقافتی و دینی پروگراموں سے استفادہ کیا، یہ عظیم الشان قرآنی نمائش 16 رمضان المبارک تک مصلیٰ امام خمینی، تہران میں جاری رہے گی۔ نمائش میں قرآنِ کریم سے متعلق کتب، تفاسیر، ڈیجیٹل قرآنی مصنوعات، بچوں اور نوجوانوں کے لیے خصوصی پروگرامز، نیز مختلف ثقافتی و تحقیقی اداروں کے اسٹالز قائم کیے گئے ہیں۔
