شیعہ نیوز: ایک ایرانی عہدیدار نے کہا ہے کہ ایران اور امریکہ کے درمیان جوہری پروگرام کے حوالے سے کوئی مذاکرات نہیں ہوئے اور واشنگٹن کو بات چیت شروع کرنے سے پہلے تہران کی شرائط پوری کرنا ہوں گی۔
رپورٹ کے مطابق مغربی میڈیا نے ایک ایرانی عہدیدار کے حوالے سے یہ خبر دی ہے کہ تہران اور واشنگٹن کے درمیان ایران کے جوہری پروگرام کے حوالے سے اب تک کوئی مذاکرات نہیں ہوئے۔
تفصیلات کے مطابق رائٹرز نے ایک ایرانی عہدیدار کے حوالے سے کہا کہ امریکہ کے ساتھ ایران کے جوہری پروگرام کے بارے میں کوئی مذاکرات نہیں ہوئے اور جوہری مذاکرات شروع کرنے سے قبل واشنگٹن کو تہران کی شرائط پوری کرنا ہوں گی۔
ایرانی عہدیدار نے کہا کہ ایران کے یورینیم افزودگی کے حق کو امریکہ کی جانب سے تسلیم کیا جانا تہران کی سرخ لکیر ہے اور ایران افزودگی کے معاملے پر کسی بھی صورت میں لچک کا مظاہرہ نہیں کرے گا۔
یہ بھی پڑھیں : آیت اللہ سید مجتبی خامنہ ای شہید رہبر کے راستے کو آگے بڑھا رہے ہیں، نمائندہ حماس
یہ بیان امریکی نائب صدر جے ڈی وینس کے اس مطالبے کے ایک روز بعد سامنے آیا جس میں انہوں نے ایران سے یورینیم افزودگی کی سطح میں نمایاں کمی کرنے کا مطالبہ کیا تھا۔
ایرانی عہدیدار نے کہا کہ وینس کے بیانات واشنگٹن کے خیالات اور مطالبات ہیں۔
ان کے مطابق امریکی حکام مطالبات اور تجاویز پیش کرنے میں آزاد ہیں، لیکن یہ مطالبات ایران کی ضروریات اور مؤقف سے متصادم ہیں۔
امریکی نائب صدر جے ڈی وینس نے 5 اکتوبر کو کہا تھا کہ تہران کو اپنے جوہری پروگرام میں یورینیم افزودگی میں نمایاں کمی کرنا ہوگی۔
ایرانی مؤقف کے مطابق جوہری مذاکرات کے آغاز کے لیے امریکہ کو پہلے ایران کی شرائط اور خاص طور پر ایران کے پرامن جوہری پروگرام کے تحت یورینیم افزودگی کے حق کو تسلیم کرنا ہوگا۔
The post تہران اور واشنگٹن کے درمیان جوہری مذاکرات نہیں ہوئے، ایرانی ذرائع appeared first on شیعہ نیوز پاکستان.
