شیعہ نیوز: تہران میں امریکی اور صہیونی جارحیت میں شہید ہونے والوں کی باشکوہ تشییع جنازہ ہوئی جس میں ہزاروں لوگوں نے شرکت کی۔
رپورٹ کے مطابق تہران میں جنگِ رمضان کے شہداء، بالخصوص مسلح افواج کے اعلیٰ کمانڈروں کی نمازِ جنازہ اور تشییع کا بڑا اجتماع منعقد ہوا۔ انقلاب اسکوائر سے معراجِ شہداء تک ہونے والی تشییع میں ملک کے مختلف طبقات سے تعلق رکھنے والے روزہ داروں اور عقیدت مندوں کی بڑی تعداد شریک ہوئی۔
یہ بھی پڑھیں : ہرمزگان: 2520 اہل سنت علماء اور طلباء کا آیت الله سید مجتبی خامنہای کی قیادت کا اظہار اعتماد
جن شہداء کی تشییع کی گئی ان میں شہید جنرل سید عبدالرحیم موسوی (چیف آف جنرل اسٹاف)، شہید ایڈمرل علی شمخانی (سپریم کمانڈر کے مشیر اور دفاعی کونسل کے سیکریٹری)، شہید میجر جنرل محمد شیرازی (سپریم کمانڈر کے ملٹری آفس کے سربراہ)، شہید بریگیڈئیر جنرل عزیز نصیرزادہ (وزیر دفاع و لاجسٹکس) اور شہید جنرل محمد پاکپور (کمانڈر انچیف سپاہ پاسداران انقلاب اسلامی) شامل تھے۔
تشییع کے دوران شرکاء نے شہداء کو خراجِ عقیدت پیش کیا اور ان کے جسدِ خاکی کو عقیدت و احترام کے ساتھ معراجِ شہداء تک پہنچایا جہاں مزید مذہبی و سرکاری مراسم ادا کیے گئے۔
The post تہران میں شہید فوجی کمانڈروں اور شہریوں کی تشییع جنازہ، ہزاروں افراد کی شرکت appeared first on شیعہ نیوز پاکستان.
