شیعہ نیوز: امریکی صدر ٹرمپ نے اعلان کیا ہے کہ وہ تیسری دنیا کے تمام ممالک سے ہجرت کو مستقل طور پر روک دیں گے۔
رپورٹ کے مطابق امریکی صدر ڈونلڈ ٹرمپ نے کہا کہ تیسری دنیا کے تمام ممالک سے ہجرت کو مستقل طور پر روک دوں گا تاکہ امریکی نظام کو مکمل طور پر بحال کیا جا سکے۔ صدر ٹرمپ نے سوشل میڈیا پر جاری کیے گئے اپنے بیان میں امریکہ میں مقیم غیر ملکی افراد کے لیے تمام وفاقی فوائد اور سبسڈیز کو بھی ختم کرنے کا اعلان کیا ہے۔
یہ بھی پڑھیں : فلسطین پر صہیونی قبضے کی حقیقت: ایک تاریخی منصوبہ اور استعماری سازش
واضح رہے کہ امریکی صدر ٹرمپ نے ایک افغان شہری کی جانب سے واشنگٹن میں وائٹ ہاؤس کے قریب نیشنل گارڈ کے فوجیوں پرفائرنگ پر ردعمل کا اظہار کرتے ہوئے کہا تھا کہ افغان شہری کی فائرنگ سے زخمی خاتون نیشنل گارڈ دم توڑ گئی ہے، غیر قانونی تارکین امریکا آ کر مشکلات پیدا کرتے ہیں۔
انھوں نے کہا کہ حکام سے غیرقانونی تارکین وطن سے متعلق تفصیلی بات کی ہے۔
The post تیسری دنیا کے تمام ممالک سے ہجرت کو مستقل طور پر روک دوں گا، صدر ٹرمپ appeared first on شیعہ نیوز پاکستان.
