شیعہ نیوز: سپاہ پاسداران انقلاب اسلامی کے ڈپٹی کمانڈر انچیف نے کہا ہے کہ نئی جارحیت کی صورت میں ایرانی مسلح افواج میدان جنگ میں نئی اور غیر متوقع تکنیکی صلاحیتیں استعمال کریں گی۔
رپورٹ کے مطابق سپاہ پاسداران انقلاب اسلامی کے ڈپٹی کمانڈر انچیف میجر جنرل مصطفیٰ ایزدی نے کہا ہے کہ اگر دشمن کی جانب سے نئی جارحیت کی گئی تو ایران کی مسلح افواج نئی تکنیکی حیرتوں کو بروئے کار لائیں گی۔
یہ بھی پڑھیں : امریکی مفادات کی تکمیل کے لیے سعودی عرب یمن پر جارحیت کررہا ہے، البخیتی
میجر جنرل مصطفی ایزدی نے اپنے بیان میں کہا کہ اسلامی جمہوریہ ایران کی مسلح افواج، بالخصوص سپاہ پاسداران انقلاب اسلامی نے زمینی، فضائی، فضائی دفاع اور بحری شعبوں میں نمایاں پیش رفت کی ہے۔
انہوں نے مزید کہا کہ مسلح افواج مختلف اقسام کی ٹیکنالوجیز استعمال کر رہی ہیں، جن میں سے بعض کو پہلے ہی میدان جنگ میں استعمال کیا جا چکا ہے، جبکہ دیگر ٹیکنالوجیز کو مستقبل میں بروئے کار لایا جائے گا۔
The post جارحیت کی صورت میں ایران نئی تیکنیکی صلاحیتوں سے دشمن کو حیران کردے گا، جنرل ایزدی appeared first on شیعہ نیوز پاکستان.
