شیعہ نیوز: جامعۃ النجف سکردو میں تکریم شہداء و تجدید عہد کانفرنس کا انعقاد کیا گیا، کانفرنس کے آغاز سے قبل رہبرِ انقلاب آیت اللہ العظمیٰ سید علی خامنہ ای(رح) اور دیگر شہداء کے لیے قرآن خوانی کی گئی۔
اس نورانی نشست کا آغاز معروف قاری حجت الاسلام شیخ غلام محمد صابری نے تلاوت قرآن مجید سے کیا۔ طالب علم محمد افضل ذاکری نے اپنی پرتاثیر آواز میں نعت رسول مقبول پیش کی۔
معروف عالم دین، نامور دانشور شیخ سجاد حسین مفتی نے اپنے خطبہ استقبالیہ میں شرکائے محفل کا شکریہ ادا کیا اور رہبر انقلاب آیت اللہ العظمیٰ سید علی خامنہ ای اور دیگر شہدائے مقاومت کی عظیم قربانیوں کو خراج عقیدت پیش کیا۔ آج کے اس دور میں جب دینی اقدار بہت کمزور ہو رہے تھے اور ایسا معاشرہ تشکیل پانا خواب بنتا جارہا تھا کہ جہاں اسلامی اقدار، ثقافت اور اخلاقیات کی جھلک ہو۔
یہ بھی پڑھیں : جامعہ کراچی میں شہدائے راہِ قدس اور شہید آیت اللہ سید علی خامنہ ایؒ کے نام مشاعرے کا انعقاد
انہوں نے مزید کہا کہ رہبر انقلاب آیت اللہ خامنہ ای اور دیگر شہدائے انقلاب نے اپنے لہو کے آخری قطرے تک اس انقلاب کی حفاظت کے لیے پیش کرنے کا عہد کیا ہوا تھا، حالیہ جنگ میں انھوں نے اللہ سے کئے ہوئے اپنے عہد و پیمان کو عملی جامہ پہنایا ہے۔ امام مہدی علیہ السلام کے لیے دو ظہور ہیں ایک ظہور اصغر اور دوسرا ظہور اکبر ہے۔ انقلاب اسلامی جمہوری ایران انقلاب ظہور اصغر کی بہترین جھلک ہے۔ لہذا ہم آج کے موجودہ رہبر آیت اللہ سید مجتبیٰ حسینی خامنہ ای سے تجدید عہد کرتے ہیں کہ جس طرح ہم نے امام خمینی(رح) اور رہبر انقلاب آیت اللہ خامنہ ای کے ہر حکم کو سر آنکھوں پر تسلیم کیا اسی طرح آپ سے بھی ہم یہی عہد کرتے ہیں کہ ہم آپ کے ہر حکم کی تعمیل کریں گے۔ کانفرنس سے دیگر مقررین نے بھی خطاب کیا۔
The post جامعۃ النجف سکردو میں تکریم شہداء و تجدید عہد کانفرنس کا انعقاد appeared first on شیعہ نیوز پاکستان.
