شیعہ نیوز: آج ملک بھر میں فرزندِ رسولؐ، جگر گوشۂ بتولؑ، کریمِ اہلِ بیتؑ حضرت امام حسن مجتبیٰؑ کا جشنِ ولادت نہایت عقیدت و احترام کے ساتھ منایا جا رہا ہے۔ اس بابرکت موقع پر مختلف شہروں میں محافلِ میلاد، مجالس اور خصوصی تقاریب کا اہتمام کیا جا رہا ہے جن میں علمائے کرام، ذاکرین اور اہلِ عقیدت بڑی تعداد میں شرکت کر رہے ہیں۔
محافل میں حضرت امام حسن مجتبیٰؑ کی سیرتِ طیبہ، صبر، بردباری، سخاوت اور امتِ مسلمہ کے لئے آپؑ کی خدمات پر روشنی ڈالی جا رہی ہے۔ مقررین کا کہنا ہے کہ امام حسنؑ نے اپنی زندگی میں امن، اتحاد اور صلح کا ایسا درس دیا جو آج بھی امتِ مسلمہ کے لئے مشعلِ راہ ہے۔
یہ بھی پڑھیں : آیت اللہ خامنہ ای کی شھادت، پاکستان کی شوبز انڈسٹری میں سوگ کا سماں
اس موقع پر مساجد، امام بارگاہوں اور گھروں کو سجایا گیا ہے جبکہ نیاز و دسترخوان کا بھی وسیع اہتمام کیا گیا ہے۔ مومنین ایک دوسرے کو مبارکباد پیش کر رہے ہیں اور بارگاہِ الٰہی میں امتِ مسلمہ کے اتحاد، امن اور سلامتی کے لئے خصوصی دعائیں کی جا رہی ہیں۔
اہلِ بیتؑ سے محبت رکھنے والے عقیدت مند اس دن کو عقیدت، احترام اور خوشی کے جذبات کے ساتھ منا رہے ہیں اور حضرت امام حسن مجتبیٰؑ کی تعلیمات کو اپنی زندگی میں اپنانے کے عزم کا اظہار بھی کر رہے ہیں۔
The post جشن ولادت باسعادت مولا امام حسن علیہ السلام بہت بہت مبارک، ملک بھر میں محافل میلاد کا انعقاد appeared first on شیعہ نیوز پاکستان.
