شیعہ نیوز: اسلامی جہاد فلسطین نے اپنے عسکری ونگ سرایا القدس کے ایک مایہ ناز کمانڈر کی شہادت کا اعلان کیا ہے جو کل صبح بیروت کے جنوبی ضاحیہ پر اسرائیلی فوج کی وحشیانہ بمباری کے نتیجے میں شہید ہوگئے۔ یہ پیش رفت ایران پر امریکہ اور اسرائیل کی بڑھتی ہوئی مشترکہ سفاکیت اور علاقائی سطح پر تصادم کے دائرہ کار میں وسعت کے دوران سامنے آئی ہے۔
اسلامی جہاد تحریک نے ایک بیان میں کہا کہ سرایا القدس کے 41 سالہ شہید کمانڈر ادہم عدنان العثمان عرف ابو حمزہ جو لبنان میں سرایا القدس کے کمانڈر تھے پیر 2 مارچ سنہ 2026ء کی صبح بیروت کے جنوبی ضاحیہ پر غاصب صہیونی دشمن کی غدارانہ سفاکیت کے نتیجے میں مرتبۂ شہادت پر فائز ہو گئے۔
یہ بھی پڑھیں : اسرائیل میں موجود امریکی شہریوں کے بحفاظت انخلاء کی ضمانت نہیں دے سکتے، امریکی سفارت خانہ
اسلامی جہاد نے شہید عثمان کی جدوجہد کو خراج عقیدت پیش کرتے ہوئے صہیونی وجود کے خلاف ان کی طویل مزاحمتی زندگی کی ستائش کی اور اس عزم کا اعادہ کیا کہ ان کا خون ہزاروں مجاہدین کے لیے ایک قطب نما ثابت ہوگا جو ان کے مشن کو آگے بڑھائیں گے اور ان کے خون کا بھرپور بدلہ لے کر ان کی وصیتوں کی پاسداری کریں گے۔
یہ بزدلانہ قتل ایک ایسے وقت میں ہوا ہے جب پورا خطہ غیر معمولی کشیدگی کی لپیٹ میں ہے جس کا پس منظر گذشتہ ہفتہ سے ایران پر امریکہ اور اسرائیل کی جاری مسلسل سفاکیت اور اس کے جواب میں ایران کی جانب سے اسرائیل اور عرب ممالک بالخصوص خلیجی ریاستوں میں قائم امریکی اڈوں پر میزائلوں اور ڈرونز سے کیے جانے والے براہ راست حملے ہیں۔
The post جنوبی بیروت میں صیہونی دشمن کا حملہ، سرایا القدس کے اہم کمانڈر ادہم العثمان شہید appeared first on شیعہ نیوز پاکستان.
