شیعہ نیوز: اسرائیل کے جنگی طیاروں نے جنوبی لبنان کے مختلف علاقوں پر شدید فضائی حملے کیے، جن میں بالخصوص بلدہ کفر فیلا اور بلدہ عین قانا کے درمیان واقع علاقے کے علاوہ ریحان کی پہاڑیاں، جرمق، سجد اور وادی حومین شامل ہیں۔
لبنانی سکیورٹی ذرائع کے مطابق ان فضائی حملوں کے نتیجے میں متعدد تنصیبات اور عمارتیں مکمل طور پر تباہ ہو گئیں، جب کہ کئی دیگر عمارتوں کو شدید نقصان پہنچا۔
یہ بھی پڑھیں : تہران، کاراکاس نہیں! ایران کے خلاف ٹرمپ کا منصوبہ ناکام ہوگا، الجزیرہ
اسی ذریعے نے بتایا کہ اسرائیلی فوج نے جنوبی لبنان میں بلدہ رمیش کے اطراف کو بھی متعدد گولوں سے نشانہ بنایا، جس سے علاقے میں خوف و ہراس پھیل گیا۔
دوسری جانب اسرائیلی فوج نے جمعہ کے روز اعلان کیا کہ اس نے لبنان کے مختلف علاقوں میں حزب اللہ سے منسوب اہداف پر حملے کیے ہیں، جو جنگ بندی کے معاہدے کی مسلسل اور دانستہ خلاف ورزیوں کا تسلسل ہے۔
اسرائیل کی فوج نے ایک مختصر بیان میں دعویٰ کیا کہ وہ لبنان کے کئی علاقوں میں حزب اللہ سے وابستہ اہداف پر حملے کر رہی ہے، جب کہ زمینی حقائق ان حملوں کو کھلی جارحیت اور علاقائی استحکام کو سبوتاژ کرنے کی کوشش قرار دیتے ہیں۔
The post جنوبی لبنان میں اسرائیل کی شدید فضائی حملے، متعدد علاقوں کو نشانہ بنایا گیا appeared first on شیعہ نیوز پاکستان.
