شیعہ نیوز: ترجمان وزارت خارجہ اسماعیل بقائی نے آبنائے ہرمز کے موجودہ حالات کا ذمہ دار امریکہ کو قرار دیا ہے۔
رپورٹ کے مطابق ایران کی وزارت خارجہ کے ترجمان اسماعیل بقائی نے ایکس پر ایک پیغام جاری کرکے آبنائے ہرمز میں بدامنی کے بارے میں امریکہ کے دعووں کو حقیقت کے برعکس قرار دیا ہے۔
یہ بھی پڑھیں : جنوبی لبنان پر اسرائیلی فضائی حملوں میں دو شیرخوار بچوں سمیت گیارہ افراد شہید، پانچ زخمی
انھوں نے اپنی اس پوسٹ میں لکھا ہے کہ 28 فروری سے پہلے، جب امریکہ اور صیہونی حکومت نے ایران پر حملہ کیا، آبنائے ہرمز پوری طرح کھلی ہوئی تھی۔
اسماعیل بقائی نے ایکس پر اپنے اس پیغام میں لکھا ہے کہ واشنگٹن نے اس علاقے پر غیر قانونی اور وحشیانہ جنگ مسلط کی اور جہازرانی مختل کردی۔
انھوں نے لکھا ہے کہ اس جنگ کی وجہ سے آئل ٹینکروں کی آمدورفت رک گئی، تجارت مختل ہوگئی اور ایندھن کی قیمت بے تحاشا بڑھ گئی۔
وزارت خارجہ کے ترجمان اسماعیل بقائی نے لکھا ہے کہ اب واشنگٹن اس بدامنی کا ذمہ دار ایران کو بتانے کی کوشش کررہا ہے جوخود اس نے پیدا کی ہے اور چاہتا ہے کہ اس کی اس غیر قانونی جنگ کی بھاری قیمت پوری دنیا ادا کرے۔
The post جنگ امریکہ نے شروع کی ہے لیکن چاہتا ہے کہ پوری دنیا اس کی قیمت ادا کرے، بقائی appeared first on شیعہ نیوز پاکستان.
