جنگ ختم نہیں ہوئی یہ صرف وقفہ ہے، ایران کا سخت انتباہ کے ساتھ فوج کو جنگ بندی کا حکم

شیعہ نیوز: ایران کے سپریم لیڈر آیت اللہ مجتبیٰ خامنہ ای نے امریکی جنگ بندی معاہدے کے بعد تمام فوجی یونٹس کو رُک جانے کا حکم دے دیا ہے تاہم واضح کیا ہے کہ یہ جنگ کا خاتمہ نہیں بلکہ عارضی وقفہ ہے۔

سرکاری نشریاتی ادارے کے ذریعے جاری بیان میں کہا گیا ہے کہ تمام عسکری شاخیں سپریم لیڈر کے حکم پر فوری طور پر جنگ بندی پر عمل کریں، مگر ملک مکمل طور پر الرٹ رہے گا۔

یہ بھی پڑھیں : جنگ بندی کے اعلان پر فلسطینی مزاحمتی دھڑوں کی طرف سے ایرانی قیادت کو مبارک باد

ایران کا سخت مؤقف

عرب میڈیا کے مطابق ایران کی سپریم نیشنل سیکیورٹی کونسل نے اعلان کیا ہے کہ جنگ بندی کا مطلب جنگ کا اختتام نہیں، بیان میں کہا گیا کہ ’ہمارے ہاتھ اب بھی ٹریگر پر ہیں، دشمن کی معمولی غلطی کا بھرپور جواب دیا جائے گا۔‘

ایران نے بتایا ہے کہ مذاکرات 10 اپریل کو اسلام آباد میں شروع ہوں گے اور ابتدائی طور پر 2 ہفتے جاری رہیں گے جن میں توسیع بھی ممکن ہے۔

ایرانی حکام نے جنگ بندی کو ’دشمن کی میدانِ جنگ میں پسپائی‘ قرار دیتے ہوئے کہا ہے کہ اگر مذاکرات سیاسی کامیابی میں تبدیل ہوئے تو اسے تاریخی فتح سمجھا جائے گا، ورنہ جنگ جاری رہے گی۔

The post جنگ ختم نہیں ہوئی یہ صرف وقفہ ہے، ایران کا سخت انتباہ کے ساتھ فوج کو جنگ بندی کا حکم appeared first on شیعہ نیوز پاکستان.

​