شیعہ نیوز: اسلامی تحریک مزاحمت ’حماس‘ کے ترجمان حازم قاسم نے کہا ہے کہ اسرائیلی میڈیا کی جانب سے غزہ کی پٹی پر دوبارہ جنگ شروع کرنے کے حوالے سے دی جانے والی دھمکیاں سیز فائر معاہدے کی سنگین خلاف ورزی اور امریکی صدر ڈونلڈ ٹرمپ کے منصوبے کی واضح مخالفت ہیں۔
حازم قاسم نے اپنے اخباری بیانات میں وضاحت کی کہ یہ دھمکیاں ان مثبت اثرات اور ماحول کے مکمل متضاد ہیں جو تحریک نے قاہرہ میں ثالثوں کے ساتھ حالیہ ملاقاتوں کے دوران ظاہر کیے تھے۔
ان ملاقاتوں کا بنیادی مقصد ہی سکون کے عمل کو آگے بڑھانا اور مفاہمت کو مکمل کرنا تھا۔
یہ بھی پڑھیں : غزہ پر قابض اسرائیلی بمباری میں ایک فلسطینی شہید
تحریک حماس نے اس عزم کا اعادہ کیا ہے کہ وہ ثالثوں کے تعاون سے ایسے قابل قبول اور حقیقت پسندانہ طریقوں تک پہنچنے کی بھرپور خواہش مند ہے جو غزہ کی پٹی میں امن کے حصول کے منصوبے کے تمام پہلوؤں پر عمل درآمد کو یقینی بنا سکیں۔
اسی تناظر میں اسرائیلی ویب سائٹ مفزاکی راعم نے اطلاع دی ہے کہ حماس کے ساتھ مذاکرات کے نام نہاد “تقریباً مکمل خاتمے” کے باوجود قابض اسرائیل کی فوج اس مرحلے پر غزہ کی پٹی میں دوبارہ لڑائی شروع نہیں کرے گی۔
تحریک حماس نے گذشتہ روز یعنی اتوار کو اس بات کی تصدیق کی تھی کہ اگر قابض اسرائیل وعدوں کی پاسداری میں اپنی سنجیدگی ثابت کرے تو وہ مذاکرات کے دوسرے مرحلے میں داخل ہونے کے لیے مکمل تیار ہے۔
حماس نے واضح کیا کہ مزاحمتی دھڑوں کا جواب قومی ذمہ داری اور لچک پر مبنی رہا ہے جو ثالثوں کی کوششوں کے احترام اور قدردانی میں دیا گیا تھا۔
تحریک کے ترجمان کے گذشتہ بیانات کے مطابق حماس نے پیش کردہ تجاویز پر مثبت جواب دیا ہے جبکہ قاہرہ میں خلیل الحیہ کی سربراہی میں دیگر فلسطینی دھڑوں کے ساتھ رابطوں اور مشاورت کا سلسلہ اب بھی مسلسل جاری ہے۔
The post جنگ دوبارہ شروع کرنے کی اسرائیلی دھمکیاں سیز فائر کی خلاف ورزی اور مذاکراتی عمل کے منافی ہیں: حماس appeared first on شیعہ نیوز پاکستان.
