حوزہ/ جموں و کشمیر انجمن شرعی شیعیان کے صدر حجۃ الاسلام والمسلمین آغا سید حسن الموسوی الصفوی نے مرکزی امام باڑہ بڈگام میں خطبۂ جمعہ کے دوران نوجوانوں پر زور دیا کہ وہ اپنی صلاحیتوں کو حصولِ علم، عبادت، اعلیٰ اخلاق اور خدمتِ انسانیت کے لیے بروئے کار لائیں۔ انہوں نے کہا کہ جوانی ایک قیمتی امانت ہے، جس کا صحیح استعمال انسان کی کردار سازی، روحانی ترقی اور دنیا و آخرت کی کامیابی کی بنیاد بنتا ہے۔
جوانی اللہ تعالیٰ کی اطاعت، قرآن فہمی اور اخلاقی ذمہ داریوں کی ادائیگی میں صرف کی جائے: آغا سید حسن الموسوی الصفوی
