شیعہ نیوز: غاصب صیہونی حکومت کے وزیر اعظم نیتن یاہو نے شام کی عبوری حکومت کے سربراہ جولانی سے مطالبہ کیا ہے کہ شام کے جنوب مغربی علاقے کو اسلحے سے خالی کردیں۔
رپورٹ کے مطابق صیہونی حکومت کے وزیر اعظم نے کہا ہے کہ ہمارے لئے اہم یہ ہے کہ جولانی جنوب مغربی شام سے اسلحے ہٹالیں۔
یہ بھی پڑھیں : ماسکو اور برلن کے روابط انتہائی نچلی سطح پر پہنچ چکے ہیں، روسی وزارت خارجہ
نیتن یاہو نے کہا ہے کہ ہمارے لئے زمینی تغیرات اور یہ بات اہم ہے کہ شام ہمارے لئے پر امن اور ہر طرح کے خطرے سے عاری رہے۔
صیہونی حکومت کے وزیر اعظم نے اسی کے ساتھ کہا کہ واشنگٹن نے مشرق وسطیٰ اور افغانستان میں جو سرمایہ کاری کی ہے، اس کے مقابلے میں ہمارے لئے امریکی حمایت بہت کم ہے ۔
نیتن یاہو نے دعوی کیا کہ اسرائیلی حکومت امریکہ کی واحد اتحادی ہے جس نے اپنے دفاع کے لئے امریکی فوج کی درخواست نہیں کی ہے اور دوسروں سے یہ نہیں کہا ہے کہ اس کی طرف سے جنگ کریں۔
The post جولانی کو جنوب مغربی شام کو اسلحے سے خالی کردینا چاہئے، نیتن یاہو appeared first on شیعہ نیوز پاکستان.
