شیعہ نیوز: لبنان کے رکن پارلیمان اور وفاداری دھڑے کے رکن حسن عزالدین نے لبنان کے جنوبی علاقے میں واقع اسٹریٹیجک پہاڑی “علی الطاہر” کی اہمیت پر روشنی ڈالتے ہوئے اعلان کیا کہ لبنان کی استقامتی تنظیم حزب اللہ اس اہم علاقے سے ہرگز پسپائی اختیار نہیں کرے گی۔
انہوں نے کہا کہ مذکورہ پہاڑی حزب اللہ کا ایک اسٹریٹیجک علاقہ ہے اور اسے چھوڑنا ناممکن ہے۔
حسن عزالدین نے زور دیکر کہا کہ حزب اللہ جارحیت کے مقابلے میں پوری طاقت اور اپنے تمام وسائل کو بروئے کار لاتے ہوئے کھڑا رہے گا اور صیہونی حکومت کے مقابلے میں اپنی ملّی ذمہ داری انجام دے گا۔
یہ بھی پڑھیں : شام میں صیہونی حکومت کی تازہ جارحیت پر عرب اور اسلامی ممالک کا ردعمل
انہوں نے لبنان کی حکومت کے امریکہ اور صیہونی حکومت کے ساتھ سمجھوتے کو بے نتیجہ قرار دیتے ہوئے کہا کہ یہ سمجھوتہ مردہ پیدا ہوا ہے۔
لبنان کے رکن پارلیمان حسن عزالدین نے مذکورہ معاہدے کو لبنان کے اقتدار اعلی کے منافی قرار دیتے ہوئے کہا کہ اس نام نہاد سمجھوتے کے نتیجے میں بیروت کمزور اور فیصلوں میں اپنی خودمختاری کھو بیٹھے گا۔
انہوں نے حزب اللہ اور شام کی عبوری حکومت کے مابین رابطے کے بارے میں بتایا کہ ترکیہ نے ایک تجویز پیش کی ہے جس کی تفصیلات منظر عام پر آنے کے بعد، اس بارے میں فیصلہ کیا جائے گا۔
The post حزب اللہ علی الطاہر پہاڑیوں سے پسپا نہیں ہوگا: لبنان کے رکن پارلیمان appeared first on شیعہ نیوز پاکستان.
